ئافریقا؛ گورد ئەیدز کیشاگە، ئێران؛ نە
شەفەق نیوز/ مینوو موحرەز، قسەوێژ وزارەت بێهداشت ئێران، دە رووژ جەهانی ئەیدز وت: لە شەس تا هەفتا هزار، هە نزیکەی چل هزار بیمار ئەیدزی دە ئێران ناسریانە ک یە یانێ ژێر چل لە سەد بیمارەیل.
ئەوی وت: هەرچەن ئامار ئی بیمارییە دە ئێران هە دیرێ وەر ئەو بان دچوو، دە ئافریقا وەر ئەو خوار.
موحرەز وت: سن تەماس جنسی گرتن دە ئێران هاتگە تا سێزدە و نیم ساڵانی و بڕێ بیمار پانزە و شانزە ساڵانیش، دە نام بیمارەیلە کریانەسە دی.
دە ئی رووژە ئانتونیو گوترش، بەرپرس گشتی سازمان مللیش وت: هەر ساڵ یەک ملیوون و هەفتسەد هزار بیمار ئەیدزی دناسرێ ک شەش سەد و نەوەد لەیان دمرن و دە ئی چل ساڵە ک دنیا تووش ئی بیمارییە هاتگە هێمان ک هێمانە ئەیدز گرتن یانێ تووش بوخت و بوختانیش هاتن.
ئەوی وت: دە ئی چل ساڵە ئیمە ویر کردیمنە وە بیمارییەیل واگیردار و ویر لە بیماری گەنترێ جوور ئەیدز بڕیمنە.
دە ئی چل ساڵە ک ئەیدز هاتگە، هەفتا و شەش ملیوون جەهانوەند HIV گرتنه ک سی و په‌نج ملیوون لەیان مردنە، باوجی دە ئی یەک ساڵە ک کورونا هاتگە، شەس و چوار ملیوون کەس کورونا گرتنە و یەک ملیوون و چوار سەد هزار لەیان مردنە.
