ئاشکراکردن بنچینە و بندروس ڤایرۆس کۆرۆنا

شەفەق نیوز/ تۆێژینەوەیگ لەلایەن سێ زانای ئەڵمانی دەرخست ک بەڵگەیگ پەیا کردن لە بنچینەی تاقیگەیی ڤایرۆس کۆرۆنا، و ٩٩،٩% لە ڤایرۆسەگە لەناو تاقیگە دروس کریاگە.

ڤالانتاین برۆتیل یەکیگ لە بەشدارەیل تۆێژینەوەگە ک پلەی دکتۆرای وەرگری لە ساڵ ٢٠٢٢ وەدەس هاورد، لە قسەیلی ئەرا کەناڵ تەلەڤزیۆنی ئەڵمانی "n-tv" وت: ئەنجامەیلمان دەرخەن ک ئی ڤایرۆسە وەئاست ٩٩،٩% دروس کریاگە، و هاتێ چاپیگ لە ڤایرۆس سروشتی بویە و دەسکاری کریاگە.

وتیش: ڤایرۆس کۆرۆنا ڤایرۆسیگە وە شیوەیگ زانەستەنی دەسکاری کریاگە.

بروتيل دیاری کرد ک شیوەی دروسکردن ڤایرۆسەگە هاکاتی ئەوە کریاگە ک لە تاقیگەیل ڤایرۆسی تایبەت ئەرا دروسکرسن ڤایرۆسەیل دەسکردت هاتیە.

بروتيل وتیش: خوەییش ئیجور شیوە لە کار رووژانەی وەکار تیەرێد، باوجی وەپی خوازێد گەشە وە دەرمانەیلیگ پرۆتینی بیوەی بیەێد، ئەرا چارەکردن بیماریەیل وەرخودان.

وەگورەی سێ زانای ئەڵمانی، شیوەیگ لە شوینپەنجەی جینۆم  "Sars-CoV-2" پەیا کردنە، و دیاری کردن ک ئی شیوە لە جینۆسایدی ڤایرۆسەگە دووارە بوود.