ئاسایش سەرۆکایەتی کۆریای باشوور سەرۆک کۆمار نیەێدە دەس
شەفەق نیوز/ ئاسایش سەرۆکایەتی لە کۆریای باشوور، نەیشت لێکۆلەرەیل سەرۆک لاوریاگ یۆن سوک دەسگیر بکەن، دویای تەقەلای شکستخواردگی ئەرا چەسپانن فەرمانەیل سەربازی لە وڵات.
نویسنگەی لێکۆڵینەوەیل پرسەیلیگ گەندەڵی راگەیان کە کەسایەتیەیل گەورە هاناویان، و راگەیان کە جیوەجیکردن یاداشت دەسگیرکردن سەرۆک بۆن سوک دەسوەپی کرد.
پەیامنێرەیل فرانس پرێس تیمیگ لە لێکۆلەرەیل دینە کە بانگەشەکار کشتی لە وەردەمیان بویە، وە پاڵپشتی ئەمنی چنە ناو شوین نیشتەیجی سەرۆکایەتی لەناوڕاس پایتەخت لە دەروازەی ئاسنین گەپی، نزیکە ساعەت هەشت شەوەکی وە وەخت وڵاتەگە.
ئەو کارە لە وەختیگ بوی کە بڕیگ لە لایەنگر یۆن لە وەردەم شوینەگەی گردەو بوین ئەرا مقیەتیکردنی.
ئاژلنس خەوەری "يونهاب" وت: لێکۆلەرەیل کەفتنەسە رویوەڕویبوین وەرد ئاسایش سەرۆکایەتی، دویای ئەوە کە یەکەیگ سەربازی لەناو بارەگاگە نواگیرییان کرد.
یۆن توومەتبارە وە یاخیبوین دویای شکستخاوردن تەقەلای وەرجە مانگیگ ئەرا چەسپانن فەرمانەیل سەربازی لە وڵاتەگە.
هیمان یۆن وە فەرمی سەرۆک کۆمارە، کە بڕیار لاوردنی کە لە پەرلەمانەو دەرچگە چەوەڕی چەسپییانی لەلای دادگای دەستووری کەێد، و ئەگەر دەسگیر کریا، یۆن بوومە یەکەمین سەرۆک لە میژوو کۆریای باشوور کە دەسگیر کریەێد.
