پاریس شەرمەزار گورزەیل ئیران لەبان هەرێم کوردستان کەێد
شەفەق نیوز/ فەرەنسا، ئمڕوو پەنجشەممە، شەرمەزار گورزەیل هەڕەمەکی ئیران کرد ک هەرێم کوردستان کردنە ئامانج، و داوای ڕێزگردن سەروەری وڵاتەگە وئارامی هەرێم کوردستان لەلی کرد.
وەزارەت دەرەوەی فەرەنسا لە بەیاننامەیگ ئاژانس "فرانس پڕس" بڵاوی کرد وت: فەرەنسا شەرمەزار ئەو گورزەیل خەسە کەێد ک ئیران لە هەرێم کوردستان خاوەن دەسەڵات خوەیەتی جیوەجییان کرد، لە پیشێلکردن ئاشکرایگ ئەرا سەروەری عراق و یاسای ناودەوڵەتی، ک وە شیوەیگ هەڕەمەکی پەلامار مەدەنیەیل دا.
بەیاننامەگە وتیش: باری داوای ریزگردن سەروەری و بیوەیی زەویەیل عراق وئارامی وئاسایش ناوچەی کوردستان کەێد.
ئەو گورزەیلە ک تەهران خوەی وەخاوەنیان کرد، بویە هوکار کەفتن ١٣ قوربانی ژنیگ دووگیانی لەناویان بوی، وەگەرد ٥٨ زەخمدار فرەیان مەدەنی بوین، مناڵیش خوار تەمەن دە ساڵان لەناویان بوی، وەگورەی راگەیانن دەزگای دژەتیرۆر لە هەرێم کوردستان.
