کابرایگ میسری وەگەرد بڕیار لە سێدارەدانی مرێد

شەفەق نیوز/ لە یەکیگ لە دادگایەیل وڵات میسر، کابرایگ ک توومەت کوشتن خەسویرەی وەبانی چەسپیا، وەگەرد راگەیانن بڕیارەگە گیان لە دەسدەێد.

وەگورەی میدیایەیل میسری، لە دادگای تاوانەیل میسر لەمەوقەی کۆتا دادگاییکردن ئەرا بڕیاردان لە باوەت کوشتن پیاویگ وە دەس زاواگەی، لە خولەکەیل کۆتایی دادگاییکردنەگە دادوەر بڕیار لە سێدارەدان ئەرا توومەتبار سەرەکی دەرکرد ، توومەتبارەگەیش ک کوڕ گەنجیگە دوچار جەڵتەی دڵ بوود و دەسوەجی گیان لەدەسدەێد.

وەگورەی قسەی میدیایەیل میسری، پیاوەگە وەلایەن هاوسەرەگەی و دویتەی و زاواگەی کوشیایە، وە مدووی بیزارکردنیان  و دویجار تەرمەگەی فڕەدریاسە بان جادە.