کابرایگ لە وەردەم دادگای باڵای واشینتۆن ئاگر خوەی دەێد

شەفەق نیوز/ کابرایگ لەوەردەم دادگای باڵای ئەمریکا خوەی سزان، ک وە هەلیکۆپتەر هەڵیگردن، وەگورەی قسەکەریگ وەناو دادگای باڵا.  

خانمە قسەکەر باڵاترین دەزگای دادوەری لە وڵاتەگە لە بەیاننامیگ وت: نزیک ساعەت ١٨:٣٠ وەوەخت ئەمریکا، لە ئیوارەی رووژ جمعە،  کابرایگ هاتە نزیک مەیدان وەرانوەر بینای دادگای باڵا و ئاگر خوەی دا.    

خانمە قسەکەرەگە وتیش: هەلیکۆپتەریگ پزشکی لەناو مەیدانەگە نیشتەو و ئەو کەسە رەسانە خەسەخانە.    

هویچ کەسیگتر لەو ناوچە تویش زەخمداری نەهات، و دادگای باڵا دووپات کرد ک رووداوەگە وە هەڕەشەی سەڵامەتی گشتی نەدریاسە قەڵەم.  

کەناڵ فۆکس تەلەڤزیۆنی دیاری کرد ک ئاشکرای تەندروسی و ناسنامە و هاندەری ئەو کەسە نەکریا.