پاکستان کوشیاین 28 چەکدار لە ناوچەیل سنووری وەگەرد ئەفغانستان راگەیەنێد
شەفەق نیوز ـ ئیسلام ئاباد
حکومەت پاکستان، ئمڕوو دوشەممە، کوشیان 28 چەکدار وە پەلامار ئاسمانی راگەیاند کە ناوچەیل سنووری وەگەرد ئەفغانستان کردە ئامانج، لە وەختیگ وەرپرسیگ ئەمنی دیاریکرد هێرشەیل ئاسمانیەگە دوو هەرێم ئەفغانی کردییەسە ئامانج.
ئییە لەدویای چەن سەعاتیگ لە توومەتەیلیگ تێد کە وەرپرسەیل لە بزوتنەوەی طالبان ئەفغانی ئاڕاستەی پاکستان کردن وە کوشیاین وەلایکەم سێ مەدەنی لە پەلامارەیل ئاسمانی لە وەخت شەو لە ناو زەویەیل ئەفغانستان.
ئی پەلامارەیلە کۆتایی هاورد وە بارودۆخ تا بڕیگ ئارامی کە نزیکەی سێ مانگ وەردەوام بۊ.
سوپای پاکستانی لە بەیاننامەیگ کە ئاژانس "رۆیتەرز" هاوردیەسی، وت: تەقەکردن ترەک ئەرا دۊەکە یەکشەممە بۊە مدوو کوشیاین شەش سەربازی پاکستانی، لە ناوەیان دوو ئەفسەر، و هەشت چەکدار لە ناوچەی هانگۆی هاوسا لە نزیک سنوور ئەفغانستان.
جیگر قسەکەر حکومەت تاڵیبان ئەفغانی، حەمدوللا فترەت لە پۆستیگ لە بان "ئێکس" ئاشکرایکرد، وەلای کەمەو یەک ماڵ زەرەد دییە لە گورزەیل هەرێم کونار، کە بوویە مدوو کوشیان سێ کەس لە ئەندامەیل یەک خێزان زەخمداری چوار کەس.
وتیش: دوو شوین لە هەرێم بکتیکا رویوەروی پەلامار هاتییە، کە دوکان و ماڵەیلەیل چوڵیگ لمیانە وەبی زەخمداری.
وەرپرسیگ پاکستانی کە داوای ئاشکرانەکردن ناوی کرد راگەیان، پەلامارەیل لە هەرێمەیل بکتیکا و کوناار لە ئەفغانستان رویدایە.
