پەیاکردن رووژنامەنویسیگ ئەمریکی لەنزیک ماڵەگەی وە چەقوو کوشیاگە

شەفەق نیوز/ رووژنامەی "Las Vegas Review-Journal"، ئمڕوو دووشەممە، وت: رووژنامەنویس ئەمریکی جیف جیرمان وە کوشیای نزیک ماڵەگەی لە لاس فیگاس پەیا کریا.

جیرمان ک رووژنامەگە وت یەکیگە لە فرەترین رووژنامەنویسەیل لە سەرکەفتگی لە ویلایەت نیڤادا، شەوەکی رووژ شەممەی گوزەشتە تەرمەگەی پەیا کریا وە چەقوو دریاسە لەشی.

رووژنامەگە وتیش: راپۆرتەیل جیرمان باوەتەیلیگ لە تاوان رێکخریاگ و بەد وەکارهاوردن دەسەڵات و رسوایی سیاسی و تەقەکردن کۆمەڵی لە لاس فیگاس لە ئوکتوبر ٢٠١٧ بوینە.

وەگورەی رووژنامەگە، پۆلیس لاس فیگاس لێکوڵینەوە لە تاوان کوشتنەگە کەێد، و مەزەنە کەێد جیرمان لە وەخت دیریگ کەفتیەسە مرافەیگ، ئیجا وە چەقوو زەخمدار بویە.

جیرمان لە ساڵ  ٢٠١٠ وەگەرد رووژنامەی "Las Vegas Review-Journal" کار کرد، وەرجەوە لە رووژنامەی  "Las Vegas Sun" کار کردیە، ولەتەمەن ٦٩ ساڵی بویە.