4 تا 7 رووژ وەردەوام بوود.. نەتانیاهۆ داوای هەڵمەتیگ پەلامارداین خەس لەبان ئیران لە ترەمپ کەێد
شەفەق نیوز- خوەرهەڵات ناوڕاس
ماڵپەڕ "ئەلمۆنیتۆر"، ئمڕوو شەممە، ئاشکرای پێشکەشکردن پێشنیاریگ وەلایەن سەرۆک حکومەت کاروەڕێکەر ئیسرائیل بنیامین نەتانیاهۆ ئەرا ئیدارەی ئەمریکا وە سەرۆکایەتی دۆناڵد ترەمپ کرد، کە هەڵمەتیگ پەلامارداین خەس لە خوەی گرێد کە لە ناوەین چوار تا هەفت رووژ وەردەوام بوود، و ئامانج لەلی لەرکردن توانایەیل سەربازی ئیران و نواگیریکردن تەهرانە لە قایمکردن دامەزراوە ستراتیژییەیلی، بێ ئەوەگ بچوودە ناو جەنگیگ گشتگیر.
ماڵپەڕەگە، لە زوان سەرچەوەیل دیپلۆماسی خوەرئاوایی و وەپرسەیل ئیسرائیلی ئاشکرا کرد، پێشنیارەگە تویش تێبینی و دوودڵی ئەمریکا هاتگە، وەتایبەت پەیوەنی وە ئەگەرەیل جواوداین ئیران و کاریگەری هەر رویروەرویبوینیگ نوو لەبان کەشتیوانی و دابینکردن نەفت دیرێد، وەرد پرسیارەیل دەربارەی پەیوەنی وەخت ئۆپراسیۆنەگە وە تەقەلایل نەتانیاهۆ ئەرا مەنن لە دەسەڵات دویای دویا هەڵوژاردنەیل ئیسرائیل.
دیاریش کرد، داواکارییەیل ئیسرائیل ئەرا جویڵەی سەربازی پشت وە زانیارییەیل هەواڵگری بەسێد کە وەپای سەرچەوەیل، دیاریە ئەرا تەقەلایل ئیران کەن ئەرا ئەوزەڵداین چەک کیمیایی و بایۆلۆجی، و ئەگەر وەکارهاوردنیان لە ڕی مووشەکەیل بالیستی یا فڕۆکە بێفڕۆکەوانەیل.
دیاری کرد، نیگەرانییەیل ئیسرائیل هەمیش پشت وە ئەوەگ بەسێد کە ئویشێد تەقەلایەیل ئیرانن ئەرا گواستنەوەی ئەوەگ لە بەرنامە ئەتۆمییەگە مەنگە ئەرا دامەزراوەیل قویل لە ژیر زەوی، وە شیوەیگ کە ئامانجگردنیان سەختتر کەێد تەنانەت وە وەکارهاوردن بۆمبە قورسەیل ئەمریکایش.
"ئەلمۆنیتۆر" لە زوان سەرچەوەیگ خوەرئاوایی ئاگادار لە پەیوەنییەیل گواستەو، مەزەنەسل لای دەزگا خەوەریەیل ئەمریکا زانیارییە پێشکەشکریاگەیل وە خاوەن بنەمایگ کردەیی دانەن، باوجی دیاری ئەرا ئەوەگ کەن چالاکییە گومانلێکریاگەیل هیمان لە قۆناغەیل سەرەتایین، و هەوەجە وە جویڵەیگ سەربازی خێرا لە ماوەی هەفتەیل یا مانگەیل ئایندە نەکەن.
ماڵپەڕەگە لە زوان وەپرسیگ گەورەی ئیسرائیلی راگەیان تەلئەبیب هەوەجەکەێد سوود لە قۆناغ ئیسە بدوینێد وەرجە ئەوەگ بڕیارە سەربازییەیل ئەمریکا لە رووی سیاسییەو ئاڵۆزتر بوون.
باوجی وەپرسەیل ئەمریکی گومان لە گاڵدەرەیل پەلەکردن ئیسرائیل کەن، وەتایبەت لە سای قەیران سیاسی کە نەتانیاهۆ دویای هەڵوژاردنەیل 27 تشرین یەکەم/ئۆکتۆبەر رویوەروی بوودەو.