"3 ستراتیژیا ئەرا رەفتارکردن وەرد تاران".. ترەمپ: ئیران نیەتۊنێد مووچەی سەربازەیلی بەێد
شەفەق نیوز- واشنتۆن
دۆناڵد ترەمپ، سەرۆک ئەمریکی ئمڕوو سێشەممە، وت کە ویلایەتە یەکگرتگەیل کۆنتڕۆڵ بڕیگ فرە لە پۊل و سامانیەیل ئیرانی کەێد، و دیاری کرد کە تاران رۊوەڕۊی رەوشەیلیگ ئابووری سەخت بوودەو و توانای قەرزکردن نەیرێد.
ترەمپ، لە قسەیلیگ کە میدیایەیل راگەیانن ئەمریکی بڵاوی کردن، وتیش کە واشنتۆن لێکۆڵینەوە لە سێ ستراتیژیا ئەرا رەفتارکردن وەرد ئیران کەێد، یەکەم لە چەودیاریکردن ئاست خراوەوبۊن رەوشەیلی دروس بۊە، و دۊەم لە وەشانن گورزەیل سەربازی تون، لە وەختیگ سێیەم پشت وە فشار ئابووری بەسێد، و دووپات کرد کە ویلایەتە یەکگرتگەیل وە راسانی ئی وژاردە جیوەجی کەێد.
دیاری کرد کە ئیران لە ریژەیل هەڵاوسان فرە بەرزیگ ناڵێد، و دراوەگەی بەشیگ فرە لە بەهای خوەی لە دەس دایە، و دیاری کرد کە حکومەت ئیرانی رۊوەڕۊی سەختییەیل بوودەو لە داین مووچەی سەربازەیلی.
ئی قسەیل ترەمپە لە وەختیگ تیەێد کە وەڕێوەبەرایەتی ئەمریکی رویکردن وەرەو خەسەوکردن فشارە ئابوورییەیل لەبان تاران کەێد، وەگەرد وەردەوامبۊن قەیران گریەدریای وە گەرووی هورمز، لە وەختیگ راپۆرتەیل خەوەر دان کە واشنتۆن لەی وەختە وەپی خاسترە ئامرازە ئابوورییەیل وەکار بارێد لەجیای ئەنجامداین پرۆسەیگ سەربازی نوو و فراوان دژ وە ئیران.
