وای شەماڵ

بيلا وای شەماڵ  عەبير شەن بکەی

بيلا گوڵباخی خەنەخەن بکەی

بيلا گوڵ دایم بوشەکی وه ناز

بيلا ده عاڵەم پڕِ بوو سدای ساز

بيلا نەشئەی مەی بکەی مە دهووشم

بيلا نەغمەی نەی پەخش بوو ده گووشم

بيلا بنيشيم ده وەر نساران

بکەیم تەماشای ڕەوزەی وه هاران

بيلا سروەی وا سەفا بيەی وه  ده یشت

بيلا دنيا بوو وه  باخ بەهەێشت

بيلا ئەلپەڕیم هەر کەس وه يەی تەرز

شاواز بکيشيم وه  ئاواز بەرز

بيلا شەو بچوو ڕووژ پاک ئەڵای

دەمان دوور بکەی کول قەزاو به ڵای

تا کەی هەناسه، تا کەی خەمباری

تا کەی  واوەیلا، تا وە کەی زاری

تا کەی پەژاره، تا کەی پەشیوی

تا کەی حاکم بوو عادەت دیوی

بيلا تووز خەم، بيلا تەم شين

نەمينی ده روو ساراو سەرزەمين

بيلا ئاسۆ سوومان ڕووشن بوو

بيلا ڕووشنی وڵات پووشن بوو

ظاهر سارایی