ئەمشەو دی بایە بایدنەو

‍ 

هێمان شەوار ها شین تو

سەختە دوارە دیین تو

تا کوو درێژو چیین تو ئەمشەو دی بایە بایدنەو

کەیکوو چەمێ له ژێر بەر

ئەڕا لێت نیەتید خەوەر

ئەی تاڵە بەرزەی نەیشەکەر

  ئەمشەو دی بایە بایدنەو

ترنگەی ئاوەگەی ئەڵوەنی

کڕیوە وەفر دەروەنی

هە وە خوەد تێدن گوڵوەنی

   ئەمشەو دی بایە بایدنەو

تو سەردە واگەی سەرشەوی

پڕ لە قسەیل کەوکەوی

نەخش ڕەنگین قەی نەوی

  ئەمشەو دی بایە بایدە نەو

چینی فرووش شار چین

ئەڵوەنەگەی ناو خانەقین

دی پا بارەو لە ئەسپ قین

  ئەمشەو دی بایە بایدنەو

 عەلی ئۆلفەتی