سێ پارچە شعر

خۆڕه‌ێ ئرمێس

سیه‌ڵ چه‌وه‌یلم شكان

                  هایده‌ كوو...

هایدە کوو....؟؟؟؟

ئه‌ێ سه‌ونزتر له‌ قه‌ره‌قاج سرەێوان

هه‌ر د چه‌وم 

                هات سۆمایان

                                 سۆمایان هاتو 

                                              تـــــــــە ناتی !...  

سعید عبادتیان بانان 

جامیـــــگ لەو ئاوە سێنم لە دەسێ

چەوەیلم قڵف کەم لە چەو مەسێ

یاگەر دڵ دەێدن بوومە قـــــــۆڵامێ

یاگەر ناڵەت کەم وە هەرچێ کەسێ 

 حمزە ئیبراهیمی

ت هاتی بێ‌خەوەر

دەس نایدە شانم

لە کوو م دیمەسەد؟!

کاشکا بزانم...

وەتم کی ناوده؟!

دەردد له گیانم!

وەتی ناوم دڵه

                     میلکان ژانم...

 فرزانه حاتم نژادیان