دوو پارچە شعر
لە خـــــەیاڵ خوەم دوارە تیەیدنەو
سفرەی خــــــەیاڵم ئەڕام خەیدنەو
چـــــەوم چەوەڕێ رووژێ بایدنەو
وەشەوق دڵ سفرەی بەخـەیدنەو
تەماشا بکـەم ئەو زنج چـــــــاڵدەو
ئـــــــــەو شاڵ بان شان و بــــــاڵدەو
شەوار وە تــــــــەنیا خەوم بەێدنەو
لە خــــــەو هەڵپەڕم دۊنم ناتیدەو
سەفەری خوەشاڵ رووژی باێدنەو
دڵ لە لێم نەنەی هـەرگز نەچیدەو
ئەلی میر سەفەری
ت نەوگەد حاڵم خراوە پەری
زنەی زنگانی عەزاوە پەری
شایرەیل دروو نێانە ، دەمد
شیرە ، شەربەتە ، شراوە پەری
بنووڕید وە سان دڵێ بردیدە
کار چەوەیلد چەپاوە پەری
گیانم ها قەێد قسیەێ وێڵ نیەکەم
ماسی هە گیانێ وە ئاوە پەری
لەو وەختەو خەمد بۊە وە میوانم
یانەێ خەێاڵم خراوە پەری
لەێ داخە ت ناید ئەو بان دڵم
کزەم چۊ کزەێ کەواوە پەری
چوزانی چەوم چۊنە وە بێ ت
کیەنی پامانەێ پەڕاوە پەری
بێ شەرتی مەکە ، بێ شەرتی گەنە
ڕەسم گەن مەخە لەی ناوە پەری
مەچوو وە تەنیا مەیلەمان وە جی
یە لە ناو کوردەیل ناباوە پەری
عومرێگ دەویم و نەڕەسیم وە پێد
ئشق ت وێنەی سەراوە پەری
بەهزاد مەحموودی
