دوو پارچە شعر
ژان منــم، ژار مــنم،
دڵ لەســـــــەر° دار، منـــــم
خان تنـــی، گیــــان تنــی
ســـروەو سەێـــــــــران، تنی!
ســــەرد منم، ســـان منم
وێـــــڵمو وەیــــــلان، منم
گــــەرم تنـــی، نــــەرم تنی
دڵخۆەشو دڵگـــەرم، تنی!
تار منم، تـــــەرم منم
شێـــتمو بێشـــەرم، منم
زەڕ تنــــی، زەرد تنی
لەیــــلی° بێدەرد، تنــــی!
بــــەرد منم، دەرد منم
بێدەنــــگو شەوگـەرد، منم
خاڵ تنـــی، ماڵ تنــــی
لیمو تەڕ و کاڵ، تنی!
چاڵ منم، ڵاڵ منـــم
کەوتــــر° بێباڵ، منم
ناخ تنـــی، کاخ تنی
سەرگـــــــۆڵ° سەرباخ، تنی!
ئاخ منم، داخ منم
ئاخ° دڵ° داخ، منــــم
سعید عبادتیان بانان
… ڕووزگارە
چەرخ°
چراخ°
چەود
دەمد دوای دڵەیل° بێقەراره
هناسد ئەتر° وارانه لە زەۊ وشک
لە لێـــــــــود خۊن داڕشیاێ ئناره
دەنڰد ملۆدی خۆەزێەۆەیل° هەرشەو
کلگـــــــــد سازو مزراب° ســـ°ـــــتاره
تکەێ تک تک... ئەرەق تک تک له زڵفــد!
هە جوو واران لە سینەێ ئێ شــەواره
ئـــڕام قسیــــــەێگ بکه! پـــەڵپێ بگر دی!!!
شــــــــــەوارو دەرد° دڵ، فـــــرەس دوواره
بخەن!! شێتم بکه، شیرین° چەو مەس!!!
م° مەجوونم، مــــــ° فەرهادم، گــــــلاره!
ئەگەر ڕووژێگ لە ئێـــــره هەڵفڕیدن!
له لیم مینێد د° بەیت ئاخو پەژاره...
حمزه ئیبراهیمی
