دوو پارچە شیعر

ته‌نيا له ئێره مه‌يله‌م  سه‌ر بووده بارم ئمشه‌و 

ئاخر وه‌ داخ عشقد هه‌ی گول! دچارم ئمشه‌و !

چۊ شه‌و له‌ شوون چێند ته‌ک دامه له زلانه‌و 

وێنه‌ی شه‌که‌ت سووار پای «زه‌رده‌مارم» ئمشه‌و 

زانی که‌لاوه‌گه‌ی دڵ خاپۊره بێ خه‌یاڵد!؟

زانی وه‌ بێ ت تا سوو له‌یره‌ قه‌لارم ئمشه‌و!؟

….

خه‌م وه‌شکياسه پێمه‌و! شه‌و ها له ‌شان وه‌ شانم!

ته‌و داسه ‌سێخ داخه‌و ئازايه‌گه‌ی سقا‌‌نم 

وێنه‌ی هه‌ڵه‌ت هەڵاکم له‌ی تاوسان جه‌وره 

ئاژاژگی خوه‌یه‌و ده‌ی نامه‌ی له‌ بان شانم 

هه‌ڵشێویایه به‌ختم! هه‌ڵبرشيایه جه‌رگم! 

هه‌ڵڕۊشيایه هۊرم! هه‌ڵورشيایه گيانم 

تا که‌فته هۊرم ئمشه‌و سه‌وزی چه‌و‌ه‌يل کاڵد، 

هه‌م ئه‌زره‌ته‌يل که‌وکه‌و پا نانه که‌شکه‌شانم 

نووڕم مه‌که‌ گ بشکێ باڵه‌يل سه‌وز هۊرم 

ئه‌زره‌تمه‌ن ره‌سينیگ تا ماڵ ئاسمانم 

تا گه‌ر هەساره‌گه‌ی خوه‌د له‌ ئاسمان بکاڵم 

خوه‌زیه‌و له بن، هەساره‌يل،کول هه‌ڵپڕۊچقانم!...

جەلیل ئاهنگەرنژاد