‍دارە پیرە

 دارە پیرەگەی وشک داغانم 

بوڵبڵ بارکردێیە لە سەر شاخانم

مەحرووم لە قونچە، غەریب لە باخم

باب سزیانە، سەرپەل و شاخم 

وشکم و رۊتم، کەس نیەتێد وەسام 

مەگەر داربڕەیل بنیشن لە پام

تەشەێ زقومخیز زمسان، ها لەشم

تام ماچ تەور،بایە بچەشم

پیرم، پۊتارم، ترتم، پەکەرم

دۊد سووسەنی، دەرچوود لە سەرم

لە سەر شەختەی یەخ، لە پاگوڕەی نار

سەختە بڵازەی لەش پیرەدار

منیش مەسووزم هەر چۊ ئی دارە

سقانم زخاڵ، موونس نارە

تەنیا ت گەردوون کردەد وە زخاڵ

سزیاید وەزینێ، بەسە ،کەم بناڵ

      شاعیر تەنیا