‏یەڵدا

هەنارە هەێ هەنارە هەێ هەنارە

‏بنیشیمن لە لاێ یەک هەم دوارە

‏چەنێ یەڵدا دریژ و تارە ئمشەو

‏چمانێ زوڵف شووڕ یارە ئمشەو

‏خودایا ڕووژنای بارەو وەێ مڵکە 

‏خودایا خەم درار وەێ شارە ئمشەو

‏دڵ و دینم بێیەم خاڵد بسێنم

‏چەپێ غەمزە وە چەو کاڵد بسێنم

‏لە یەک دۊریم وتم بامە نزیکد

‏وتم ماڵێ لە لاێ ماڵد بسێنم

‏چەنێ باڵاد ڕەنگینەو خوەد نیەزانی

‏چەنێ شێوەد شیرینەو خوەد نیەزانی

‏ت وە دەس کەس نەکوشتیدە چەوەیل مەس

‏بژانگد ها وە خۊینەو خوەد نیەزانی

‏هەنارە هەێ هەنارە هەێ هەنارە

‏بنیشیمن لە لاێ یەک هەم دوارە

‏چەنێ یەڵدا دریژ و تارە ئمشەو

‏چمانێ زوڵف شووڕ یارە ئمشەو

‏خودایا ڕووژنای بارەو وەێ مڵکە 

‏خودایا خەم درار وەێ شارە ئمشەو

‏سەعید عبادەتیان بانان

‏

‏

‏

‏