ت پرزەی نەرمەوارانی

ت پرزەی نەرمەوارانی

گوڵە زەردەێ وەهارانی

لە هاڵم کەێ خەوەر زانی

هزاران ژان لە دڵ دێرم

ت پرشەێ نۊر خوەر دیری

شەوارێگ زڵف لە سەر دیرى

لە هاڵم کەێ خەوەر دیری

هزاران ژان لە دڵ دێرم

ت چۊ ماسی هەوز و من

ت تۊل تازە ڕەوز و من

ت چۊ سەرسەوز سەوز و من

هزاران ژان لە دڵ دێرم

هسارەی شەو پایزم

ئەگەر وە کز کزەو سزم

ئەگەر بێ هاز و بێ نزم

هزاران ژان لە دڵ دێرم

دڵم خاو و شییەو مەکە

لە قات زڵف جییەو مەکە

زەڕەی مەیلم نییەو مەک

هزاران ژان لە دڵ دێرم

سەعید عبادەتیان