پاییز
2025-11-19T13:54:52+00:00
پاییز هاتیە وە قینەوە
بوو ناێە وە پەرچینەوە
ت وەی زوڵف چینچینەوە
بەو دەرمانم بکە گشتکەس
بەو تیمارم بکە لەیلی
پایز وەو دەرد و داخەوە
بوو ناێە وە ئێڵاخەوە
بەر نەیشتێە وە باخەوە
بەو دەرمانم بکە گشتکەس
بەو تیمارم بکە لەیلی
م ئێڵاخم ت سووەیلی
م پڕ شەوق و ت کەم مەیلی
ئاخم لەیلی داخم لەیلی
بەو دەرمانم بکە گشتکەس
بەو تیمارم بکە لەیلی
هەسارەی شەو پایزم
ئەگەر وە کز کزەو سزم
ئەگەر بێهاز و بێ نزم
بەو دەرمانم بکە گێشکەس
بەو تیمارم بکە لەیلی
سەعید ئبادەتیان
