راپۆرتیگ باس هەڵوێست نێچیروان بارزانی کەێد "لە ناسکترین وەخت لە میژوو ئیران"
شەفەق نيوز- هەولێر/ تەهران
هەڵگەردان تایبەت
راپۆرتیگ لەلایەن ئاژانس "تەسنيم" نیمچە فەرمی ئیرانی، رووشنایی خستە بان هەڵوێست نێچیروان بارزانی سەرۆک هەرێم کوردستان، لە ماوەی ئەو جەنگە کە 12 رووژ ناوەین ئیران و ئیسرائیل وەردەوام بوی، ئافەرین لە شەرمەزارکردن پلامار ئیسرائیل کرد، و جموجویلی ئەرا پاڵپشتیکردن ئارامی لەبان سنوور هاوبەش.
ئەو راپۆرتە کە ئاژانس شەفەق نیوز هەڵگەردانی کرد، باس بەیاننامەی سەروک هەرێم کوردستان وەگەرد دەسکردن وە جەنگەگە، کە وە کاریگەر باسی کرد کە لەناوی ناڕەزابوین وە پەنابردن ئەرا هاز سەربازی، لە وەختیگ هوشداری دا کە شایەت جەنگ هەڕەشەی ئاسایش و ئارامی ناوچەگە دەێد.
راپۆرتەگە وتیش: سەرۆک هەرێم کوردستان ریکارەیلیگ هاوەختە جیوەجی کرد، یەکەمیان دووپاتکردن لەبان رێککەفتن ئەمنی ناوەین بەغدا و تەهران، و پاڵپشتیکردن بڵاوبوین سەربازی و ئەمنی لە ناوچەیل سنووری وەرد ئیران، وە ئامانج ریگریکردن لە هەر چالاکییگ ئەگەری کە شایەت وەکارباێد دژوە تەهران لەناو زەویەیل هەرێمەو.
هەمیش باس پەیوەندییگ تەلەفۆنی ناوەین بارزانی و عەباس عراقچی وەزیر دەیشت ئیران کرد، کە باس دویاترین گەشەیل جەنگ سەربازی کریا، کە هەردوگ لایەن دووپات کردن وە پابەندبوینیان وە سووکەوکردن ژاوەژاو و مقیەتیکردن ئارامی.
هەمیش باس پیشوازیکردن سەرۆک نێچیروان بارزانی وە راگەیانن ئاگربەسی ناوەین ئیران و ئیسرائیل کرد، دووپات لە پابەندبوینی وە دیبلۆماسیەت کرد جویر رییگ ئەرا چارەسەرکردن وەردەوەردەیل لە خوەرھەڵات ناوڕاس.
راپۆرتەگە لە کۆتایی وت؛ هەڵوێستەیل ئاشکرای سەرۆک هەرێم کوردستان لە زویترین هات، و لە یەکیگ لە ناسکترین وەختەیل لە میژوو ئیران، و نشان ئاست گرنگیدانی وە پاڵپشتیکردن و فراوانکردن پەیوەندییەیل وەرد ئیران دەێد لە گشت چینەیل.
