کوشیان دوو کەس و زەخمداربوين 6 تر لە رووداوەیل جیاجیا لەماوەی 24 سەعات لە نەینەوا
شەفەق نیوز - نەینەوا
دوو کەس گیان لەدەسدان و 6 کەستر وە سەختی زەخمدار بوين لە ئەنجام رویداوەیل جیاجیا ک لە ناوچەیل جیاجیای پارێزگای نەینەوا لەماوەی 24 سەعات گوزەشتە رووی دان.
سەرچەوەیگ ئەمنی ئەرا ئاژانس شەفەق نیوز راگەیان ژنیگ دوای تووشهاتن وە تەزوی کارەبا لەناو ماڵ خوەی لە ئاوایی "ئەلوتا" سەر وە ناحیەی رەبیعە لە خوەرئاوای موسڵ گیان لەدەسدا، لە وەختیگ کەسیگتر لە ئەنجام وەخوارکەفتن لە بەرزییگ لە قەزای شەنگال لە خوەرئاوای پارێزگاگە مرد.
سەرچەوەگە دیاری کرد ک رێگەیل و ناوچەیل شاری و دێهاتیش زنجیرەیگ لە رویداوەیل هاتووچوی توومار کردن، کە دوو کەس لە دوو رویداو لە ئاوایی "بەرجسیە" لە باکوور موسڵ زەخمدار بوين، وە جویریگ تر دوو کەس تر لە رووداویگ لەیەکەوداین هاتووچۆ لەناو گەڕەک ئەلگەرامە لە خوەرهەڵات شارەگە زەخمدار بوين.
ئاشکراکرد،رویداوەیل هاتووچوی لە دەوروگەرد پارێزگاگە رویدا، کە بویە مدوو زەخمداربوین کەسیگ لە ئاوایی "شەبالی" لە باشوور موسڵ، و کەسیگ تر لە ئاوایی "سیرۆک" لە خوەرهەڵات شارەگە، و هەمیش دیاریکرد ئەرا هەڵگردن دوو تەرم قوربانییەگە ئەرا فەرمانگەی پزیشکی دادوەری، لە وەختیگ زەخمدارەیل کلکریان ئەرا خەسخانەیگ نزیک ئەرا وەرگرتن چارەسەر و چەودێری.
