رویوەڕویبوین سەردەسەیل چەتەیل و پەلامار چەکداری.. سێ زەخمدار لە رویداوەیل ئەمنی لە بەغداد و زیقار

شەفەق نیوز - زیقار

سەرچەوەیگ ئەمنی لە پارێزگای زیقار، ئمڕوو شەممە، خەوەر دا هێزیگ ئەمنی  سەردەسەیل چەتەیل  بازرگانیکردن مادەیل هووشبەر دەسگیرکرد دویای ئەوەگ تەقەلا دا  ماشینیگ تاڵان بکەێد لە قەزای شەترە باکوور شار ناسریە.

سەرچەوەگە ئەرا ئاژانس شەفەق نیوز ئاشکرای کرد  هێزیگ ئەمنی کەفتنە ناو رویوەرویبوینەوە وەگەرد توومەتباریگ چەکدار  و توەنست دوو ئەندام ئەمنی زەخمدار بکەێد کە   ئەرا چارەسەرکردن کلکریانە خەسەخانە.  لە وەختیگ داواکریاگە ئەر شوین نادیاریگ وای.

لە هەمان وەخت سەرچەوەیگ ئەمنی لە بەغداد، خەوەر دا دوو چەکدار وەبان سوار ماتۆڕسیکڵ  تەقە  لە هاوڵاتییگ لەناوچەی مەهدییە سەر وە دەورە باشوور پایتەخت کردن.

سەرچەوەگە ئەرا ئاژانس شەفەق نیوز دیاریکرد، پەلامارەگە بویە مدوو زەخمداربوین قول  هاوڵاتییەگە وە گولە، لە وەختیگ چەکدارەیل واین، و دیار کرد هێزەیل ئەمنی لێکۆڵینەوە لە رویداوەگە وازکردن ئەرا رەسین وە توومەتبارەیل.

 هەمیش، سەرچەوەگە ئاشکراکرد، ژنیگ لە داڵگبوی 1993 گیان لە دەسدا لە ئەنجام تویشهاتن وەتەزوو  کارەبایی لەناو ماڵ خوەی لەناوچەی سەعفانیە لە بەغداد، و ئەرا پزیشک دادوەری کلکریا و لێکۆلینەوە واز کریا لە رویداوەگە.