داوەزیان نرخ هەردوگ جویر نەفت بەسڕە سەرەڕای بەرزەوبوین برێنت ئەرا بان 115 دۆلار ئەرا هەر بەرمیلیگ

شەفەق نیوز - بەسڕە

نرخەیل هەردوگ جویر نەفت بەسڕەی سەنگین و ناوڕاس، ئمڕوو چوارشەممە، داوەزیان توومار کردن سەرەڕای بەرزەوبوین نرخەیل نەفت برێنت و تەکساس خوەرئاوا لە بازارەیل جیهان.

نرخ نەفت بەسڕەی سەنگین داوەزیا ئەرا 71.42 دۆلار ئەرا هەر بەرمێلیگ، کە وە بڕ 1.78 دۆلار داوەزیا، وە رێژەی 2.43٪، لە وەختیگ نەفت بەسڕەی ناوڕاس داوەزی ئەرا 75.42 دۆلار، وە زەرەدیگ وە هەمان بڕ کە رەسیە 1.78 دۆلار، وە رێژەی 2.31٪.

وەرانوەر ئەوە، نرخ نەفت برێنت بەرزەو بوی ئەرا 115.47 دۆلار ئەرا هەر بەرمێلیگ، وە زیایبوینیگ کە رەسیە 1.59 دۆلار، وە رێژەی 1.40٪، لە وەختیگ نەفت تەکساس خوەرئاوا لە ئەمریکا بەرزەو بوی ئەرا 101.34 دۆلار، کە 1.44 دۆلار وەپیەوە بەرزەو بوی، وە رێژەی 1.44٪.

 ئۆپێک بەرزەو بوی ئەرا 117.25 دۆلار ئەرا هەر بەرمێلیگ، وە زیایبوینیگ کە رەسیە 2.16 دۆلار، وە رێژەی 1.88٪.

داوەزیان نەفتەیل عراقی لە وەختیگ تێد کە نرخەیل جیهانی وەردەوامن لە بەرزەوبوین، کە ئیە تیشک خەێدە بان جیاوازی جویلەی نرخەیل وەپای جویرایەتی نەفتەگە و مەڕجەیل نرخانن و جیاوازییەیل خستنەڕوی و داواکاری لەبان نەفت سەنگین و ناوڕاس.