پەیاکردن تەرم نەناسریاییگ لە بابل و قورتارکردن پیاییگ لە خوەیکوشتن لە ئەنبار

پەیاکردن تەرم نەناسریاییگ لە بابل و قورتارکردن پیاییگ لە خوەیکوشتن لە ئەنبار
2026-11-19T12:37:49+00:00

شەفەق نیوز- بابل

سەرچەوەیگ ئەمنی لە بابل، ئمڕوو پەنجشەممە، خەوەردا لە پەیاکردن تەرم پیاییگ نەناسریگ وەبان ئاو کەفتگ لە شەت حیللە ناوڕاس پارێزگاگە، لە وەختیگ پۆلیس ئەنبار توەنست پیاییگ پیر لە تەقەلای خوەیکوشتن قورتار بکەێد.

سەرچەوەگە ئەرا ئاژانس شەفەق نیوز وت: یەکیگ لە کارمەنەیل پەمپ ئاو لەبان شەت حیللە تەرمیگ سەرئاوکەفتگ دیە و دەسوەجی پۆلیس ئاگادار کردیە کە رەسینەس شوینەگە و تەرمەگە دراوردن.

دیاریکرد تەرمەگە ئەرا فەرمانگەی پزشک دادوەری کلکریا تا  ریکارەیل یاسایی ئەرای تەواو بکریەێد و ناسنامەی قوربانییەگە نەناسریاگه.

لە ئەنبار، وەڕێوەبەرایەتی پۆلیس فەللوجە لە بەیاننامەیگ کوڵ  رەسیە ئاژانس شەفەق نیوز راگەیان، یەکیگ لە مەفرەزەیل فریاکەفتن توەنست پیاییگ قورتار بکەێد کە تەقەلا دا خوەی لەبان پیەڵ کوەنەگە بخەێدە ناو ئاو چەم فورات.

Shafaq Live
Shafaq Live