گورانیچڕ ناودیار ئیران ئەمیر تاتەلوو سزای لە سێدارەداین ئەرای دەرکریا
شەفەق نیوز/ ڕاپەر ئیرانی ئەمیرحوسێن مەغسوودلوو، کە لە کارەیل هونەریەگانی وە ئەمیر تاتەلوو ناسریا حکومەت ئیران سزای لەسێدارەداین ئەرای دراورد.
وەپای خەوەریگ لە زە گاردیان، دادگای ئیران وە تانەدان سزای لەسێدارەدان وەبان گورانیچڕ ناودیار ئەمیر حسێن مەغسوودلوو ناسریاگ وەە تاتەلوو چەسپان، دویای ئەوەگ وە توومەت کوفرکردن سزا دریا.
ڕۆژنامەی چاکسازیخوازی ئیتێماد دویکە بڵاوکرد، "دادگای باڵا ناڕەزایەگەی داواکاری گشتی قبوڵکرد" وەنرامبەر وە سزای وەرین پەنج ساڵ زیندانیکردن لەبان تاوانەیل لەناوەینیان کوفرکردن.
دیاریکرد، "دۆسیەگە وازە، ئێ جارە توومەتبارەگە سزای لە سێدارەداین ئەرای دەرکریا وە مدوو سووکایەتیکردن وە پیرۆزییەیلە ئاین ئیسلام لە راپۆرتەگە دیاریکردیە، بڕیارەگە کۆتایی نییە و هێمانگ توەنرێد تانە لەدژی بدرێد.
تەتەلوی تەمەن 37 ساڵ، لە ساڵ 2018ەوە لە ئەستەنبوڵ زندگی کرد، وەرجە ئەوەگ پۆلیس تورکیا لە مانگ کانوون دویەم 2023 رادەست ئیرانی بکەێد، لەوختەو تائیسە دەسوەسەرکریایە.
