نێچیروان بارزانی پرسە و سەرەخوەشی وە مردن هونەرمەنیگ شیوەکار کورد کەێد
شەفەق نيوز/ نێچیروان بارزانی سەرۆک هەرێم کوردستان، ئمڕوو سێشەممە، پرسە و سەرەخوەشی وە مردن هونەرمەن شیوەکار کورد "قەرني جەميل" کرد، و کووچکردنی وە زەرەد گەورەیگ ئەرا هونەر شیوەکاری کوردستانی زانست.
سەرۆک نێچیروان بارزانی لە بەیاننامەیگ وت: وە خەفەت و پەژارەی قویلیگ چاو مردن هونەرمەن بەهرەدار و ناوانادار لە چین هونەر شیوەکاری کوردی ماموستا قەرنی جەمیل وەپیمان رەسی، لە قویلی دێمەوە گەرمترین سەرەخوەشی لە بنەماڵە و کەسوکارەیل و برادەرەیلی کەم، هەمیش لە گشت هونەرمەنەیل و دووسەیل هونەر لە کوردستان، هاوخەم ئیوەم.
وتیش: کووچکردن مامووستا قەرنی جەمیل زەرەد گەورەیگە وە هونەر شیوەکاری کوردستانی، کە ئاسان نییە ئەو چووڵیە پڕەو بکریەێد کە لەشوین خوەی هیشتیە، کە وە خزمەتەیل هونەری گەورەی، و کارەیل رەنگین و جیاوازی، و شیوەی پایەداری، خزمەت گەورەیگ وە هونەر شیوەکاری پیشکەش کرد، و دەسمیەتی لە رەسانن ناو و ناسنامەی کورد ئەرا مەیدان هونەری جیهانی دا.
شەوەکی ئمڕوو، هونەرمەن شیوەکار کورد قەرنی جەمیل لە تەمەن 71 ساڵە، دویای زیانیگ وەرد بیماری سەختیگ، گیانی لەدەسدا.
هونەرمەن کووچکردگ، لەداڵگبوی ساڵ 1954 لە شار هەولێر پایتەخت هەرێم کوردستانە، و دیبلۆم لە پەیمانگەی ھونەرە جوانەیل لە بەغداد پایتەخت لە هەفتایەیل سەدەی گوزەشتە وەرگرد، و ناسیاس وە کارەیل هونەریی لە ئاست هەرێم کوردستان و عراق و جیهان.
