مردن هونەرمەن شانۆگەری عراقی قوسەی بەسری

شەفەق نیوز/ هونەرمەن شانۆگەری عراقی گەورە قوسەی بەسری، شەو پەنجشەممە/ جمعە، لەناو تەمەن ٨٢ ساڵە گیانی لەدەسدا.

سەندیکای هونەرمەنەیل عراق لە بەیاننامەی کوڵیگ رەسیە ئاژانس شەفەق نیوز وت: وە خوسە و خەفەت گەورەیگ پرسەی هونەرمەن شانۆگەری قوسەی بەسەری کەیمن، کە لە دویای بیماری سەختیگ گیانی لەدەسدا.

قوسەی محمد ناسر بەسری، هونەرمەند و ئەکتەر و دەرهێنەر عراقیە، لە ساڵ ١٩٤٣ لەداڵگبویە.

بەسری جویر سەرپەرشتیار هونەری لە چالاکی مەکتەو لە پەروەردەی بەسرە لە ساڵ ١٩٦٧ کار کرد، و سەرپەرشتیار هونەری لە تیپ کراکارەیل بەسرە لە ساڵ ١٩٨٤، و سەرپەرشتیار هونەری لە تیپ زانکۆی بەسرە لە ساڵ ١٩٨٦.

بەسری یەکیگە لە دروسکەرەیل تیپ بەسرە ئەرا هونەر مودێڕن لە ساڵ ١٩٦٨، و کۆمپانیای شەمس ئەڕا بەرهەمکردن تەلەڤزیۆنی و سینەمایی لە بەغداد لە ساڵ ١٩٩١.