ساڵهاتی وه‌دی هاتن ماموستا زیره‌ک

Category: هونه‌ر

Date: 2020-11-21T18:56:48+0000
ساڵهاتی وه‌دی هاتن ماموستا زیره‌ک

شه‌فه‌ق نیوز- حه‌سه‌ن زیره‌ک، ئه‌ڵێمه‌ت و  بڵیمه‌ت مووسیقی و گوورانی کوردی، ده ئی‌چوونه رووژێ ، ده شار بووکان و ده نه‌وه‌د و نۆ ساڵ پێش هاته دی.

زیره‌ک ده په‌نجا و یه‌ک ساڵ ژیان خوه‌ێ، هه‌ر چه‌ن، چه‌ن جار ژاری و هه‌ژاری سه‌ختێ وه چه‌مه‌یل خوه‌ێ دی، باوجی ئه‌ڕا هیچ جه‌خت و تێکوشانێ ئه‌ڔا مووسیقی کوردی، جگێگیش که‌م نه‌نا.

زیره‌ک، هه‌م وه‌رد رادیان به‌غدا و ده‌نگی کوماری عراق، هه‌م وه‌رد رادیان کرماشان، هه‌میش وه‌رد به‌ش کوردی رادیان تێهران، کاره‌یل ئه‌ڵیمه‌ت و بڵیمه‌ت فره‌یێگ کرد.

ئه‌وی وه‌رد ماموستایل فره‌یێگ، چ کورد و چ فارس ده ئێران و عراق، گوورانی خوه‌نستگه ک بڕێ له‌ێیان ئه‌یانه‌ن: ماموستا عه‌لی مه‌ردان، ئوستاد حه‌نانه، هووز یووسف زه‌مانی، موجته‌با میرزاده، جه‌هانگیر مه‌ڵک، هومایوون شه‌هردار، ئه‌حمه‌د عبادی، ئورکستر سه‌مفونیک تێهران، موحه‌مه‌د عه‌ڤدسەمەدی، ئەکبەر ئێزەدی، بەهمەن پوولەکی، شوکراللە بابان و وە گەرد فاتمە زەڕگه‌ری، گووورانی‌وێژ تورک‌زوانیش ، وە تورکی خوەنییە.

ئەو، هەفتا و سێ ساڵ پێش، وەختێ دە بەغدا بییە‌ی چووده‌  رادیان کوردی بەغدا، ئمجا یانزە ساڵ دۆمای ئەوە ک رادیان کوردی ئێران کەفتە کار، هاتە ئێران و دەورەیلە دەس‌کرد وە گوورانی چڕین.

زیرەک، دە تێهران، خانم میدیا زەندی، موجری رادیان کوردی تێهران، دخوازێ ک دو دۆت لەێ دیرێ.

دۆمای یە ک زیرەک لە رادیان کوردی تێهران کریا دەر، چل و نۆ ساڵ پێشیش ئەڕا سێ ساڵ هاتە رادیان کرماشان و ئاخرسەر جوور هونەرمەندێ راسکانی دە ژاری و هەژاری و بیماری مرد.

مەرحووم واستی لە کوردەیل فەیلی ئیلامی دانیشتگ کووت و بەغدا، لە شاگردەیل زیرەک بییە ک دە رادیان بەغدا دە دەمنێشتێ خوەنییە.

ئەوی ک وە ئیلام، ساوقێ کریا، دۆمای ته‌سفیر بیین، دە ئیلام وەرد هەفتەنامەێ پەیک ئیلام، کامران رەحیمی، وت‌و‌وێژێ کرد و خوەێ یە وتگە.

زیرەک وە بان یەکترەکی، سێ مەقام وە تورکی، هەشت مەقام وە فارسی، دو مەقام وە کوردی  ئەورامی و شەس و چوار مەقامیش وە کوردی سوورانی چڕییە ک هێمان ک هێمانە تەرانە کوردییەیلەی هانە سەر زوان گشت.

related