وە تەنیا ١٨ رووژ . داهاتەبل فیلم رخبردن (M3GAN) لە ١٠٠ مەلیۆن دۆلار رەد کەێد

2023-01-23T14:28:47.000000Z

شەفەق نیوز/ فیلم رخبردن (M3GAN) زیاتر لە ١٠٠ مەلیۆن دۆلار لە پەنجرەیل تکیت جەهانی وەدەس هاورد، لەوەخت نمایشکردنی لە ٦ کانون دویەمەو، فرەگەی لە ئەمریکا بوی.

داهاتەیل ئەو کارە ک ماوەگەی رەسیە یەک ساعەت و ٤٢ خولەک، لە بەرهەم  Universal Pictures، رەسیە ١٠١ مەلیۆن و ٢١٢ هەزار دۆلار، و بەشەو بویە ناوبەین ٦٦ مەلیۆن و ١٠٧ هەزار دۆلار لە پەنجرەیل تکیت ئەمریکا، و ٣٥ مەلیۆن و ١٠٥ هەزار دۆلار لە پەنجرەیل تکیت جەهانی.

جەیمس وان خاوەن بەرهەمەگە لە هەژمار فەرمیی لەبان فەیسبووک وت: من و جیسۆن باون سوپاسداریمن ئەرا گشت ئەو دووسی و پشتگیریکردنە ک فیلم  M3GON دیرێد، و ئومێد دیریمن دەرفەت نوویگ ئەرا تەماشاکردن لایەن نوویگ لە چیرۆکەگە بیاشتان.

رویداوەیل فیلمەگە لە چوارچێوەی رخبردن و شۆک و خەیاڵ زانستی لە وەیلکان M3gan ک لە شیوەی ئایمە وەڕیەو چن، ک جیما لەناو فیلمەگە خانمیگ ئەندازیاە کار لە کۆمپانیای بازی ئەلیکترۆنی کەێد، وM3gan دروس کریاگە دا یاوەری مناڵ بەێد، و وەناکاوەو ئەرک ئیوەتکردن کادی خوارزای کەفێدە بەشی، ک تەمەنی ٨ ساڵانە، و چوینکە جیما سەرقاڵە لە کار ناو کۆمپانیاگە، ناچار بوود ئەو وەیلکانە وە خوارزاگەی پیشکەش بکەێد، وەلێ ئی بڕیارە رەسێدە کارەیل رخبەریگ.

  

Shafaq Live
Shafaq Live