ژنیگ لە مردن گلەو خوەێد

شەفەق نيوز/ سایتیگ چیکی، خەوەردا کە ژنیگ لە تەمەن 88 ساڵە، دویای مردنی، لەناو تابووتەگەی، دووارە زنیەو بوی.
وەگورەی ئەو سایتە، رویداوەگە لە شار بیلزین چیک بویە، هەناێ پیای پیریگ پەیوەندی وە کڕ فریاکەفتن کرد، و ئاگاداری توومار کرد کە ژنە تەمەن 88 ساڵەگەی، نە جویلە کەێد نەیش هەناسە دەێد.
ناوەند فریاکەفتن نشانی دا چوین تاقی بکەێدەو، تا بزانێد وەگیانە یا نە، دویای ئەوە جاریگ ترەک پەیوەندی وەپییان کرد و دووپات کرد کە هویچ هەناسەیگ نەیریێد.
دویای ئەوە پەیوەندیەگە ئەرا پزشکیگ کلکریا، کە پزیشکیش هاتەجی، و تەرمەگە دی، و مردن ژنەگە ئاشکرا کرد.
دویای ئەوە، نویسینگەی خزمەتگوزاری تەرم و مردگەیل هاتن، و تەرمەگە هەڵگردن تا ریکارەیل تەواو بکەن.
وەلێ هەناێ دانریا ناو تابووت، تا ئەرا قەورسان بوەنەی، ژنەگە وەناکاوەو چەوەیلی واز کرد، و مەردمەگە سەرسام بوین.
نویسنگەی تەرمەیل ناچار بوین داوای ماشینیگ فریاکەفتن بکەن، تا ئەرا خەسەخانە بوەنەی، کە لەورا دەرکەفت گیچەڵ تەندروسی سەختیگ دیرێد، کە وەرجەیە چەن جاریگ تویش نۆڕەی دڵ هاتگە.
ئی رویداوە ئەرا وەڕیەوبەرایەتی تەندروسی ناوخوەیی و دەسەیل رزگارکردن یاسا هەواڵە کریا، ئەرا جیوەجیکردن ریکارەیل.