فۆربیس دەوڵەمەنترین پیاو لە جهان لە ساڵ ٢٠٢١ ئاشکرا کەێد

Category: هه‌مه‌ڕه‌نگ

Date: 2021-04-07T08:07:21+0000
فۆربیس دەوڵەمەنترین پیاو لە جهان لە ساڵ ٢٠٢١ ئاشکرا کەێد

شەفەق نیوز/ گۆڤار فۆربیس وت: نووترین لیستەیلی ئەرا خاوەن ملیارەیل لە جهان، ژمارەیگ پەیمانەیی لەناوی بوی، ک رەسیە ٢٧٥٥ ملیاردێر، و جیف بیزۆس دامەزرێنەر کۆمپانیای ئەمازۆن ئەرا چوارەم ساڵ هاووپشتە لوەردم لیستەگە بوی.

لیست ملیاردێرەیل دویای ساڵیگ لە پەتای کۆڕونا ک خواروبان گەورایگ وەپی کرد، فراوانترەو بوی.

فۆربیس وت: گشت سەروەتەیل ملیاردێرەیل لە جهان وەیەکەو ئەرا ئمساڵ رەسیە ١٣،١ تریلیۆن دۆلار، وەهیشت تریلیۆن لە پارەکە فرەترەو بویە.

رانداڵ لین، گەورای وەرپرسەیل خشتەی لیستەگە لەناو گۆڤارەگە، لە چەوپێکەفتنیگ وەگەرد رۆیتەرز وت: فرە دەوڵەمەنەیل فرەتر دەوڵەمەنترەو بوین.

ئیلۆن ماسک، وەرپرس جیوەجیکەر کۆمپانیای تسیلا رەسیە پلەی دوویەم لە لیستەگە.

بڕنار ئەڕنۆ، وەرپرس جیوەجیکەر کۆمپانیای کاڵا ناودارەکان (ئیڵ، فی، ئێم، ئیچ) لە پلەی سێیەم هات، ئیجا بیل جیتس دامەزرێنەر مایکرۆسۆفت لە پلەی چوارەم، ئیجا مارک زوکەربێرگ وەرپرس جیوەجیکەر کۆمپانیای فەیسبووک پلەی پەنجەم لە لیست دەوڵەمەنترین دەوڵەمەنەیل جهان داگیر کرد.

related