زانایلیگ ئیسرائیلی ئاشکرای جیماگەی ئەفیون ٣٥٠٠ ساڵە کەن

Category: هه‌مه‌ڕه‌نگ

Date: 2022-09-21T10:20:05+0000
زانایلیگ ئیسرائیلی ئاشکرای جیماگەی ئەفیون ٣٥٠٠ ساڵە کەن

شەفەق نیوز/ زانایلیگ ئیسرائیلی لە ئاسەواری، باس ئاشکراکردن جیماگەی ئەفیون لەناو قاوەیکیگ خەڕگین کردن ک تەمەنی ئەرا ٣٥٠٠ ساڵ چوودەو، ک دەسنشان وەکارهاوردن ئی مادە کەێد لە رسوومەیل وەخاسکسپاردن کۆنە.

ئەو پەیاکردنە ک وە کۆنترین بەڵگە لەبان وەکارهاوردن هوشبەر لە جەهان دریەێدە قەڵەم، لە ئەنجام تۆێژینەوەی هاوبەشیگ هات ناوبەین دەسەڵات ئاسەواری ئیسرائیل و پەیمانگای زانستی وایزمان.

هەردوگ لایەنەگە لە ساڵ ٢٠١٢ دەسکردنە مینەکردن، دویای ئەوە ک چاڵکەنین لە ناوچەیگ ناوڕاس ئیسرائیل بڕیگ قەور لە دویادویای سەردەم برۆنزی خستەدەر.

تۆێژینەرەیل لەو شینە قاجاخەیلیگ خەڕگین وەشیوەی بەر خشخاش پەیا کردن ک ئەفیون لەلی دروس کریەێد، و میژووی ئەرا سەدەی چواردەهەم وەرجە زایینی چوودەو.

زانایل لە بەیاننامەیگ دیاری کردن ک ئەو قاجاقەیلە ئەرا هەڵگردن ئەو هوشبەفە وەکار هاوریانە، لە وەختیگ ک وەرجەیە وتن ئەرا رسوومەیل وەخاسکسپاردن لەلای کەنعانیەیل وەکار هاوریاگە.

رۆن بنیری زانای ئاسەواری ئیسرائیلی، مەزەنە کرد ک ئەو قاوەیلە نریاسە ناو قەورەیلیگ لە رسوومەیل چەمەری مردگەیل.

بنیری وتیش: کەسەیل بنەماڵەگە یا کاهینەگە تەقەلای دەێد فریشتەی مردگەیل بچڕێد و بچوودە ئاست سەرخوەشی وە ئەفیون.

وتیش: ئەو جیماگەی ئەفیونە ک پەیا کریانە، وە ئاو یا وە شەراب کاڵەو کریانە.

related

پۊل کانزاییگ ژیان کابرایگ ئاڵشت کەێد

Date: 2022-02-28 08:23:53
 پۊل کانزاییگ ژیان کابرایگ ئاڵشت کەێد

درو یەک نیسان لەچە هاتیە؟

Date: 2022-04-01 11:31:19
درو یەک نیسان لەچە هاتیە؟

پەیاکردن شوینەوار دایناسۆریگ ک ئەرا 125 ملیۆن ساڵ چوودەو

Date: 2022-05-20 09:24:42
 پەیاکردن شوینەوار دایناسۆریگ ک ئەرا 125 ملیۆن ساڵ   چوودەو

یەکەمین ئامێر دڵنگ شوردن لە جەهان

Date: 2022-06-10 06:59:16
یەکەمین ئامێر دڵنگ شوردن لە جەهان

بڕ 290 هەزار دۆلار پویل تەڵایی لە قەواسەی ئاشپەزخانەیگ ماڵیگ پەیاکریا

Date: 2022-09-04 07:43:27
بڕ 290 هەزار دۆلار پویل تەڵایی لە قەواسەی ئاشپەزخانەیگ ماڵیگ پەیاکریا

کوڵگە باسیگ لە میژوو دەربەند بەیلولە

Date: 2022-09-16 13:02:55
کوڵگە باسیگ لە میژوو دەربەند بەیلولە

میسر کۆن... وەکارهاوردن مەیمون لە جیای سەگ پۆلیسی

Date: 2022-09-22 08:04:01
میسر کۆن... وەکارهاوردن مەیمون لە جیای سەگ پۆلیسی

دەسنۊسیگ ئەنشتاین وە 13 ملیۆن دۆلار فروشیەێد

Date: 2021-12-13 09:17:28
دەسنۊسیگ ئەنشتاین وە 13 ملیۆن دۆلار فروشیەێد