ڤیدیۆی هەیتاوە رخبەرەگە.. چارەنووس دوو خانمەگە دویای کەفتنیان

Category: هه‌مه‌ڕه‌نگ

Date: 2021-07-16T11:27:01+0000
ڤیدیۆی هەیتاوە رخبەرەگە.. چارەنووس دوو خانمەگە دویای کەفتنیان

شەفەق نیوز/ لە ماڵپەڕەیل پەیوەندیە کۆمەڵایەتیەکان لە ماوەی چەن رووژ گوزەیشتە، پارچە ڤیدیۆی رخبەریگ بڵاو بوی، دوو خانم لە مەوقەی کەفتنیان لەبان هەیتاوەیگ لە کوێەی بەرزیگ نشان دەێد، و باس کریا ک هەردوگ خانمەگە گیانیان لەدەس دانە، و ئەو رووادوە لە وڵاتیگ عەرەوی بویە، باوجی ئەو قسەیلە راس نەوین.

بەشیگیان لەوەر نشاندان ژنەیلیگ لەچگ وەسەر لەناو ڤیدیۆەگە وتن گوایە یە لە وڵاتیگ عەرەوی بویە، و دەرکەفت ک ڤیدیۆەگە لە کۆمار داغستان سەروە ڕووسیای فیدڕاڵی تۆمار کریاگە ک فرەی خەڵکەگەی بەسڵمانە.

خوەشبەختانە، دوو خانمەگە دویای کەفتنیان لەبان ئەو کوێە ک نزیکەی ٢٠٠٠ مەتر بەرزە رزگاریان لە مەرگ بوی، چوینکە کەفتنە بان تەختەی بویچگیگ لە کنار کوێەگە، ک نەیشت وەرەو خوارتر بکەفن.

هەردوگ خانەمەگە وەرەو بان گلەو خواردن و تەنیا چەن زەخمەیل سووکیگ وەپیان بوی.

ڤیدیۆەگە بڕێ ژن نشان دەێد ک لەدەور هەیتاوەگە گردەو بوینە، و کابرایگ دیرێد دەڵەک هەیتاوەگە وە دوو خانمەگە دەێد.

https://twitter.com/Random_Uncle_UK/status/1415209072090042372

related