دڵ بایەس ساف بوو
لوقمان حەکیم دکوت شەوار ئەڕا نەماز شەو هەڵسا، گەوراگەی چڕی کە هێزگر تا لە خافڵە نەمێنیدەجی !
گەورا خوەشێ وەخەو هات و وەت : بخەف خزمەتکار ! خودا گەوراس !
وەخت نەماز شەوەکی بی؛ لوقمان دوجارە گەوراگەی هێز دا تا لە خافڵەی نەمازخوەنەیل نەمێنێدە جی. وەلێ گەورا دوجارە هە ئەو جواوە وەتە لوقمان !
خوەر وەپەسا هەڵاتیا کە لوقمان دوجارە هاتە فتراخ گەورا وەتە پێ ئەی بێ خەوەر لە خافڵەی نەمازخوەنەیل مەنیدەسە جی ! هێزگر کە تەمام هەستی وەپەسا سەجدەو زکر کەن، وەلێ تو خەو نەزانی داگیرد کردێیە !
گەورا جواو دا کە "دڵ" بایەس ساف بوو، وە "ئەمەڵ " نییە ! خودا گەوراس و هەوەجە وەخودا پەرەسی نەیرێ !
وەناو ڕووژ گەورا جانتاێ گەنم دا لوقمان تا بکاڵێ. وەلێ لوقمان ئەو گەنمە فرەت و گوومەیلێ تۊەم دلیمە پشانە زەۊا !
لە وەخت درەو گەورا دی کە بێجگە گژگیا وەناو باخ چشتێ نییە !
مدووێ وە لوقمان پرسیار کرد ....
لوقمان وەت : ئەی گەورا لە ڕەفتار ئێوە لێوا فکر و خەیاڵ کردم کە ئەگەر " نیەت" ساف بوو، "ئەمەڵ" ئەوقەرە گرینگ نییە ! مە گەنم گران قیمەت نەپشانمە زەۊا،
بەڵکە تۊەم گیاێ دلیمە وە نیەت تۊەم گەنم پشانم !
ئەڕا یەگ خوەد وەتی "نیەت" و "دڵ" بایەس ساف بوو ،
خودا گەوراس و وە "ئەمەڵ" ئیمە هەوەجە نەیرێ !
بەهیشت وەقیمەت دەنەێ نە وە ویانگ ....
هەڵگەردان سادق جەلیلیان
