بڕیگ رینمایی پزیشکی لە گوزەشتە وە هەڵە وتریانە

Category: هه‌مه‌ڕه‌نگ

Date: 2022-09-23T09:42:24+0000
 بڕیگ رینمایی پزیشکی لە گوزەشتە وە هەڵە وتریانە

شەفەق نیوز/  پزیشکیگ پسپۆر زانست خوەراک راگەیانیە، مقیەتیکردن خوەد لە بیماری پرۆسەیگ ئاڵۆزە تەنیا وە خوەراک تەندروس دروس نیەود، بەڵکم شیواز ژیان تەندروس پێویستی وە گشت رووەکەیل ژیانە،  بڕیگ رینمایی پزیشکی هەس ک  لە گوزەشتە وتریانە و تا ئیرەنگە بڵاون، ک هەڵەن و لەوەلا راس نین.

د.كامەران ڕەسوڵ ژاژڵەیی، پزیشك پسپۆڕ زانست خوەراک لە بان تووڕ کۆمەڵایەتی فەیسبوک  راگەیان، بڕیگ رینمایی پزیشكی، لە گوزەشتە وە هەڵە وتیانە و بایەتە راس بكریەنەو، باوجی ئەیە مانای ئەوە نیە لە سوودەیل ئەو خوەراکەیلە كەم بكریەێد و فرەش خاسە رووژانە بخوریەن باوجی وە تەنیا بەس نین.

راگەیان،" بڕیگ ڕێنمیایی پزیشكی ك هەڵەن ئەرا ئی سەردەمە":

1. خواردن یەک سیف لە رووژەگە دویرێدەو خەێد لە سەردان پزیشک:

هەرچەن خواردن سیفیگ رووژانە کار فرە خاسیگە باوجی چەوریەیل وە سوود و ڤیتامین  ( D، B12) كانزای زینک نیە ناوی  و ڕێژەی فرە  كەمیگ ماددەی ئاسن و پڕۆتین و ڤیتامین بی یەگان هاناوی، هاتێ خواردن یەک سیف کەمیگ دەسمیەتی   بیەێد لە بیگ بیماری جویر بەرزی چەوری خوین، چاخی، بیماری شەکرە، ئەلزەهایمەر باوجی خواردن یەک سیف لەو بیماریەیلە دویرێدەو نیەخەێد.

2.  نووشین یەک کوپ شیر دویرێدەو خەێد لە گرفت سقان:

هەرچەن رووژانە نووشین یاک کوپ شیر وە سوودە باوجی بڕ خوازین رووژانەی لەش ئایەم لە ڤیتامین دی و کالسیۆم نییە ناوی، لەهەمان وەخت بایەت کەم چەوری بوود و ک ئاژەڵ ئیسە فرە کەم لەلیان وە تەنیا وە گژوگیا ئیوەت کریەن، ئەرا مقیەتیکردن خوەم لە بیماریەیل سقان بایەت وەرزش پیەرێز خوەردن رێنمایی تر ئەنجام بدەێد.

3. خواردن یەک لیمو چاخی و چەوری نیەلێد:

خواردن لیمویگ رووژانە کار فرە خاسیگە باوجی مقیەتیکردن لە چاخی و داوەزانن کۆڵسترۆڵ خەراو و چەوری سیانی و چەوریناو لەش پێویست وە وەرزش و پارێز خواردن و رینماییتر دیرێد.

related

شەش خوەراک تەندروسى جگەر خاس کەێد

Date: 2022-05-12 10:33:54
 شەش خوەراک تەندروسى جگەر خاس کەێد

سوودەیل بی وینەی گەڵا مێو

Date: 2022-05-20 08:49:06
سوودەیل بی وینەی گەڵا مێو

چکلێت خوەشی خەێدە دڵ

Date: 2021-12-10 06:54:50
چکلێت خوەشی خەێدە دڵ

خانمیگ ئەرا رێکی لەشی وە مانگیگ 150 خا خوەێد

Date: 2022-03-21 05:58:37
 خانمیگ ئەرا رێکی لەشی وە مانگیگ 150 خا خوەێد

چۊن ڤیتامین دی لە لەش فرە بکەیمن؟

Date: 2022-02-27 11:30:56
 چۊن ڤیتامین دی لە لەش فرە بکەیمن؟

خواردن ئاڤاکادۆ دو جار لە هەفتەیگ بیماری دۊرەو خەێد

Date: 2022-04-01 11:53:15
خواردن ئاڤاکادۆ دو جار لە هەفتەیگ بیماری دۊرەو خەێد

کاریگەری ماس لەبان داوەزانن پەستان خۊین  

Date: 2021-12-21 13:49:54
کاریگەری ماس لەبان داوەزانن پەستان خۊین   

چەن سودیگ ساوەر ئەرا داوەزانن کێش

Date: 2022-03-01 07:22:55
چەن سودیگ ساوەر ئەرا داوەزانن کێش