لەناو عراق لەکار وسیا.. پەککەفتنیگ جیهانی لە پلاتفۆرم "X"

شەفەق نیوز/ پلاتفۆرم “X” (تویتەر جارانی) ئمڕوو دووشەممە، تویش بڕیان جیهانی هات، وە هەزاران کەس لە جیهان لەناوەنگ وەکاری تیارن لەلایان بڕیا.

 لە عێراق مەردم ئەو ئەپلیکەیشنە لەلایان وسیا،  بیجگە لە لەرزینیگ بوینە لە کارەیلیان.

 وەگورەی ماڵپەڕ DownDetector.com کە چەودیاری لە بەد کارکردن ماڵپەڕەیل کەێد، شەوەکی ئمڕوو دووشەممە پلاتفۆرم X تویش بڕیان جیهانی بویە، یەیش بویە مدوو وسیان خزمەتگوزارییەیل لە بەشیگ لە جیهان.

 وەگورەی ئەو پێگە، گیچەڵیگ کوتپڕ لە پلاتفۆرم سۆشیال میدیای ئێکس کەفتیە، کە بویە هوکار وەسیان خزمەتگوزارییەیلی لە بەشیگ جیهان، لەوانەیش ئەمریکا و بەریتانیا. 

 هەزاران کەس لە جیهان گلەیی لە گیچەڵ پەیوەندیکردن وە پلاتفۆرمەگو لە ری مۆبایل و کۆمپیوتەر کەسییەو کردنە. 

جی باسە یە یەکەمجار نییە کە ئێکس تویش گیچەڵ و بڕیان باێد.