200 پشی لە سلێمانی مینەی نازناو (شاجوان پشی) کەن .. وینە
شەفەق نيوز – سلێمانی
شار سلێمانی، ئمڕوو سێشەممە، فستیواڵیگ ناوازە سازێد، ئەرا پەسەنکردن شاجوان پشیەیل، ئەوەیش وە بەشداریکردن زیاتر لە 200 پشی لە جویراجویر ناوچەیل پارێزگاگە، وەگەرد ئامادەبوین جەماوەری جیاوازیگ و گرنگیدان ڕاگەیانن فراوان.
عوسمان جەلال سەرپەرشتیار گشتی فیستیڤاڵەگە ئەرا ئاژانس شەفەق نیوز وت: ئی رویداوە ئەرا دویەم ساڵ لەشوینیەک سازیمن، و بەشداریکردن لەی ساڵە وەشیوەی وەرچەویگ فراوان بوی، کە پیشوازی لە زیاتر لە 200 پشی کردیمن، و خریانە تاقیکردن پزشکی ئەرا دڵنیابوین لە نەوین هیچ بیمارییگ، تا ژینگەی تەندروس و ئارامیگ ئەرا ڤیستیواڵەگە مسۆگەر بوود.
جەلال وتیش: فیستیڤاڵەگە نەک تەنیا ئەرا جوانیە، بەڵکم هەمیش ئەرا هوشیاری و رووشهویرکردنە، ئەرا بەرزکردن یایگردن مقیەتیکردن ئاژەڵەیل دەسی، وەتایبەت پشیەیل، و گاڵداین هاوڵاتیەیل ئەرا ئیوەتکردن و مقیەتیکردنیان وەشیوەی گونجیاگ، وتیش: دەسەی پەسەنکردن بڕیگ پزشک ڤێتێرنەری و پسپۆڕ لە رەفتار ئاژەڵ هاناوی، و لە بنەمایەیلیگ جیاجیا جویر تەندروسی گشتی و پاکی تویک، و جوانی، و رەفتار وەرد ئایەمر و ئارامی دەروینی هەڵسەنگاندن کریەێد.
دیاری کرد کە ئەو قسەیلە کە وە سێ پلەی یەکەم سەرکەفتن خەڵاتەیل تایبەت وەپییان دریەێد، لەناویان خواردن گرانبەها ئەرا ماوەی 6 مانگ، و کارت چەودیاریکردن پزشکی پەتی، و ئیکسیسوارەیل جیاواز، وەگەرد بڕوانامەی رێزگردن تایبەت، و هەمیش دیاریەیلیگ ئەرا گشت ئەو پشیەیلە کە بەشداری کەن.
وتیش: تەما دیریمن ئی ڤیستیواڵە بوودە گتێیگ ساڵانەی هەمیشەیی، و هاتێ لە بانان بوودە ڤیستیواڵ هەرێمی یا ناودەوڵەتی، لەوەر ئەو پەیام مرۆیی و رووشنهویری گرنگە وەرانەور ئاژەڵە دەسیەیل.
