وێنە.. گەنج کوردیگ فێرخوازی هەڵچانن زیندەوەرە مەترسیدارەگان کەێد

Category: هــــه‌واڵ كــوردى

Date: 2021-01-14T14:30:58+0000
وێنە.. گەنج کوردیگ فێرخوازی هەڵچانن زیندەوەرە مەترسیدارەگان کەێد

شەفەق نیوز/ هەمیشە مەردم خوەشیان تیەێد فێرخوازییان دویر لە مەترسیەگان وەجی بارن، بەڵکم بەش کەمیگ خوەشیان لە ملهڕی تیەێد، و هەمیش هەس لە جووراجور ئاژەڵەیل ئیوەت کەن، وەلی هلچانن ئەژدها ژەهردار وگەپەگان ملهڕی راستەقینەیگە، بەڵکم گەنجیگ کورد ئەو کارە کردە راسی، چوونکە خوەشی لەی زیندەوەرەیلە تیەێد.

کەیوان کامەران، گەنجیگە لە خەڵک سلێمانی، لە مناڵیەو خوەشی لە مار تیەێد، ئەرا ئاژانس شەفەق نیوز ئووشێد: هەنای مناڵ بویم و خانەوادەگەم ئەرا باخچەی ئاژەڵەیل بردیانەم، نووڕستیام ک خەڵکەگە رخیان لە مارەگان چوود، ک خوەشم هات ئی زیندەوەرە بناسم وبزانم ئەرا مەردم لەلی ترسن.

کامەران دونێد ک ماریش ئاژەڵیگە جوور ئەو ئاژەڵەگان، و رەنگینی و سوود فرەیگ دیرێد، و ئاماژە کەێد ک لە ٧ ساڵەو ئیوەتیان کەێدو زياتر لە 20 مار ديرێد، بەڵکم ژمارەگەیان کەمەو بوی و ئیسە بوینە ٧ مار، لەوەر کەشوهەوایل سەرد، ک مار لە سلێمانی گەرمی و ئیوەتکردن تایبەت خوازێد.

کامەران ئاماژە کەێد ک پەتای کۆڕونا کاریگەری خراویگ لەبان فێرخوازەیەگەی داشت، ک توانای گەشتکردن ئەرا دەوڵەتەیلیگ تر نەیرێد تا لەو مارەیلە بسینێد ک خوەشی لەلیان تیەێد.

گەنجەگە دووپات کەێد ک خوەی مار ئەرا بازرگانیکردن ئیوەت نێکەێد، بەڵکم چوونکە دووسیان تواێد، و دیاری کرد ک نرخەگانیان هانە ناونی ٥٠٠ تا ١٠٠٠ دۆلار، و خوەیان لە بنچینەیلیگ و ناوەیل جیوازیگن.

لە کۆتایی قسەگان کامەران ئووشێد: تەمای دروسکردن باخچەیگ تایبەت ئەرا مارەگان دیرم، تا مەردمەگە وە تەماشاکردنیان خوەشحاڵەو بوون، و هەمیش بوودە شوونیگ ئەرا خوەنەوارەگان لە لایەن زانستی.

related

زوقۆم، دەروەسی ئوو قەڵوارووی هەوا

Date: 2020-12-14 18:18:05
زوقۆم، دەروەسی ئوو قەڵوارووی هەوا

وێنە.. ئەربیلیەگان روی کەنە فرووشتن پشتدەسە ئەمریکیەگان

Date: 2020-12-21 13:55:20
وێنە.. ئەربیلیەگان روی کەنە فرووشتن پشتدەسە ئەمریکیەگان

حکومەت هەرێم کوردستان تا یەک هەفتە پشۆی دەوام فەرمی کەێد

Date: 2020-12-23 15:04:19
حکومەت هەرێم کوردستان تا یەک هەفتە پشۆی دەوام فەرمی کەێد

حکومەت هەرێم باج خەێدە بان کەرتیەیلیگ هەمیش چینیگ لە فەرمانەبەرەیل

Date: 2021-01-11 09:12:26
حکومەت هەرێم باج خەێدە بان کەرتیەیلیگ هەمیش چینیگ لە فەرمانەبەرەیل

مامووستایل ناڕەزا لە هەرێم کوردستان بایکۆت دەوام کەن

Date: 2021-01-16 07:48:32
مامووستایل ناڕەزا لە هەرێم کوردستان بایکۆت دەوام کەن

خانمە نووسەریگ فەیلی باڵاترین خەڵاتەیل سوید وەرگرێد

Date: 2021-01-16 11:27:34
خانمە نووسەریگ فەیلی باڵاترین خەڵاتەیل سوید وەرگرێد