وێنە.. لالش دەسکەێدە رسووم ساڵانەی پیرووزیگ

Category: هــــه‌واڵ كــوردى

Date: 2021-05-04T06:40:25+0000
وێنە.. لالش دەسکەێدە رسووم ساڵانەی پیرووزیگ

شەفەق نیوز/ لە پەرستگای لالش ئەرا ئەیزیدیەیل لە قەزای شێخان لە دهۆک، رووژ دووشەممە، دەسکریا رسوومەیل زەیتون جەڕین،  ک خوەی رسوومەیلیگ پیرووزە هەر ساڵیگ لەی مەوقە کریەێد.

لوقمان سولەیمان وەرپرس راگەیانن پەرستگای لالش ئەرا ئاژانس شەفەق نیوز وت: رسوومەیل لەدویای  چنین بەرەیل زەیتون دەس وەپیکەێد لە مانگ کانون یەکەم و هەڵگردنی لەناو کیسە دەس وەپیکەێد تا رەسێدە وەرز زەیتون جەڕین.

وتیش: خوەیبەخەشەیل خزمەت و وەهابەشی ژنەیل زەیتونەگە شوورن و پاکیەو کەن ئیجا خریەێدە ناو کیسە وهەکاتی جارانی وە پا تلاتن دەسکریەێدە جەڕین زەیتونەگە ئیجا روینەگەی وەگەرد ئاو تیکڵا کریەێد تا ئاوەگە کەفێدە بان روینەگە و ژنەیل روینەگە گردەو کەن و خەنەی ناو قوتی.

وتیش: ئەو روینە تەنیا ئەرا چراخەیل ناو پەرستگای لالش وەکار تیارن، و نشان دا ک رسوومەیل زەیتون جەڕین پیرووزە لەلای ئەیزیدیەیل جوور خزمەتیگ وە رووشنکردن ٣٦٦ چراخ لەناو پەرستگای لالش وە دریژی ساڵەگە، و هەمیش روین زەیتونەگە ئەرا رسوومەیل جەژنەیل لەناو پەرستگاگە وەکار تيارن.

related

سلێمانی.. ژنیگ لە بینای پەنج قاتییگ خوەی خەێد

Date: 2021-05-01 12:01:05
سلێمانی.. ژنیگ لە بینای پەنج قاتییگ خوەی خەێد

خانەقین.. قەیەغەیل کۆڕۆنا هەژاری زیایەو کەێد و «دەسەیگ» وە ورسگکردن مەردم زانێدەی

Date: 2021-05-01 14:38:13
خانەقین.. قەیەغەیل کۆڕۆنا هەژاری زیایەو کەێد و «دەسەیگ» وە ورسگکردن مەردم زانێدەی