وەزیر پەروەردەی هەرێم گریەی وازکردن مەکتەوەیل دویای جەژن وە کاریگ دەێد

Category: هــــه‌واڵ كــوردى

Date: 2021-05-02T08:42:58+0000
وەزیر پەروەردەی هەرێم گریەی وازکردن مەکتەوەیل دویای جەژن وە کاریگ دەێد

شەفەق نیوز/ ئاڵان حەمە سەعید وەزیر پەروەردە لە هەرێم کوردستان، ئمڕوو یەکشەممە، راگەیان وەزارەتەگە تەقەلای دووارە وازکردن دەر مەکتەوەیل و پەیمانگایل سەروە وەزارەت پەروەردە ئەرا دویای جەژن دەێد، باوجی لە خود وەختەگە هووشداری لە چارەنووسیگ هەکاتی وڵات هیند دەێد ئەگەر پابەندی وە ریکارە تەندروسیەکان و کارە مقەیەتیەکان نەوی.

وەزیرەگە لە کۆنگرەیگ رۆژنامەوانی ئمڕوو لە سلێمانی وت: بەسانن مەکتەوەیل بویەسە سیمایگ جهانی و تەنیا لە هەرێم نییە، چوینکە ڤایڕۆس کۆڕۆنا کاریگەری لەبان گشت شوینەیل ژیان کرد و لەلیان پەروەردە و خوەنستنە، وتیش؛ شایەت چارەی ئی گرفتە وەخت وماوەی دریژیگ وەپی بچوود ئەگەر ڤایرۆسەگە تا ساڵەیلیگ تر بمینێد، و کارەگە ئاسان نییە.

حەمە سەعید دووپات کرد ک لە وەردەم کرنگیەیل وەزارت پەروەردە خوەی مقەیەتیکردن گیان و سەڵامەتی دوو مەلیۆن خوەنەوار و مامووستا و فەرمانەبەرە لە پەروەردە کار کەن، و نشان دا ک وەزارەتەگە لە بیخودی مەکتەوەیل نەوەساگە باوجی پشت وە بنەمایل راپۆرتەیلیگ لە وەزارەت تەندروسی بەساگە.

وتیش؛ ئەگەر رەوشە تەندروسیەگە ری وەپیمان دا، خو دەرەیل مەکتەوەیل و پەیمانگایل لە دویای جەژن رەمەزان واز کەیمن، و هووشداری لە چارەنووسیگ هەکاتی وڵات هیند دا ئەگەر پابەندی نەوی خەمسەردی بوی.

وەزیر پەروەردە هەمیش وت: ئەگەر وەتەواوەتی دڵنیا لە ریکارە مقەیەتیەکان نەویمن دەرەیل مەکتەوەیل واز نێکەیمن، و وەو جوورەگ وەرجەیە وتم؛ ملهڕی وە گیان دوو مەلیۆن خوەنەوار و مامووستا و فەرمانەبەر نێەکیمن.

related

لە ناوڕاس ئی مانگە دەوام مەکتەوەیل هەرێم کوردستان تیەێدەو

Date: 2021-05-09 10:57:00
لە ناوڕاس ئی مانگە دەوام مەکتەوەیل هەرێم کوردستان تیەێدەو

کۆڕۆنای هەرێم کوردستان.. ٣٦٩ تووشهاتن و ١١ مردن

Date: 2021-05-01 13:17:09
کۆڕۆنای هەرێم کوردستان.. ٣٦٩ تووشهاتن و ١١ مردن

هەرێم کوردستان.. ٢٥ مردن و ٧٠٦ تۊشهاتن نوو وە کۆڕۆنا تۆمارکەێد

Date: 2020-09-25 14:57:40
هەرێم کوردستان.. ٢٥ مردن و ٧٠٦ تۊشهاتن نوو وە کۆڕۆنا تۆمارکەێد

هەرێم کوردستان.. ٢٨١ تووشهاتن کۆڕۆنا و زیاتر لە ١٠٠٠ خاسەوبوین

Date: 2021-05-08 12:12:52
هەرێم کوردستان.. ٢٨١ تووشهاتن کۆڕۆنا و زیاتر لە ١٠٠٠ خاسەوبوین

تووشهاتنەگان کۆڕۆنا هەرێم کوردستان لە ٣٠ هەزار رەدکەن

Date: 2020-09-03 13:58:51
تووشهاتنەگان کۆڕۆنا هەرێم کوردستان لە ٣٠ هەزار رەدکەن

هەرێم کوردستان زیاتر لە ٤٠٠ تووشهانن نوو و ٢٥ مردن وە کۆڕۆنا تۆمارکەێد

Date: 2020-11-25 11:39:48
هەرێم کوردستان زیاتر لە ٤٠٠ تووشهانن نوو و ٢٥ مردن وە کۆڕۆنا تۆمارکەێد

کۆڕۆنا.. ٢٠ مردن و ٥٧٣ تووشهاتن نوو لە هەرێم کوردستان

Date: 2020-09-13 11:28:04
کۆڕۆنا.. ٢٠ مردن و ٥٧٣ تووشهاتن نوو لە هەرێم کوردستان

کۆڕۆنا پزشک و وەرپرس ناوداریگ لە هەولێر رفنێد

Date: 2020-10-09 08:13:50
کۆڕۆنا پزشک و وەرپرس ناوداریگ لە هەولێر رفنێد