وەرگری شارستانی کۆنتڕۆڵ ئاگریگ لە کارخانەی قیر لە کەرکوک کەێد و 7 تانکەر نزیک رزگار کەێد
شەفەق نیوز ـ کەرکوک
وەڕێوەبەرایەتی وەرگیری شارستانی، ئمڕوو شەممە، راگەیان تیمەیل توەنستنە کۆنترۆل ئاگریگ بکەن و کپیبکەن، کە لەناو تانکەریگ وە گەپی 35 هەزار لتر هیزگردیە کە تایوەت بوی وە قیر ئۆکسیدکریاگ، لە کارگەی ئەهلی "نەوارەس زەهەبی" کە کەفێدە ناوچەی "دارمان" لە پارێزگای کەرکوک.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز راگەیان، "جواوداین خێرا و گورجی کارەیل بویە مدوو ئاخڵەدان ئاگرەگە نواگیری فراوانبوینی چوینکە تیمەیل توەنست 7 تانکەر نزیک لە تانکەرە زەرەددیەگە رزگاربکەن بی ئەوەگ هویچ زەخمداری مریی تووماربکەن، زەردەیل تەنیا لە زەرەد مادی سنووردار کۆتایهات".
ئاشکرایکرد "وەپای وشکنن مەیدانی و ئەوەگ کامێرایەیل چەودێری و راپۆرتەیل پسپۆرەیل تەکنیکی تووماریکردنە، ئاگرەگە وە مدوو دیاردەی کارلێک پیچەوانە بویە (Backfire) کە بویەسە مدوو دروسبوین پەستانیگ گورز گازەیل لە ناو تانکەرەگە".
لە بەیاننامەگە وتیش "کارلێکەگە لە ئەنجام زیادکردن بەرهەمیگ قیر سەرد ئەرا تانکەریگ بویە کە پیشوەختە قیر گەرم لەاوی بویە وە پلەی گەرمی بەرز یەیش کارلێک دروسکردیە بویە مدوو تەقیان بان تانکەرەگە و هیزگردن ئاگر".
