وەردەوامبوین چەن ساعەتیگ.. کۆنترۆلکردن ئاگر لەبان کویەیگ لە سلێمانی
شەفەق نیوز/ قائیمقامیەت قەزای "قەراداغ" سەر وە پارێزگای سلێمانی، ئمڕوو چوارشەممە، راگەیان وە تەواوی کۆنترۆل هیزگردن ئاگرەگە کردنە کە دویەشەو لە کویەی "دەلوژە" رویدا لە تەقەلای هاوبەش فرەیگ تیمەیل وەرگیری شارستانی و پۆلیس دارسانەیل.
شیرین مەحموود قائیمقام قەزاگە وە ئاژانس شەفەق نیوز وت "تیمەیل وەرگیری شارستانی لە قەزای (شارەزوور) وە دەسمیەتی پۆلیس پاراستن دارستانەیل توەنستن ئەو ئاگرە کپەوبکەن کە شەوەکی ئمڕوو لە کویەی دەلوژە هیزگردبوی لەدویای درویژەوبوینی لە دویەشەوەو".
ئاشکرایکرد "ئاگرەگە لە دویای نیمەڕووی دویکە لە بان کویەگە هیزگردیە رووبەر فراوانیگ کە لە پووش و گیای هشکەوبوی و دار پووشیابوی سزان" دیاریکرد "تیمەیل کپەوکردن توەنستنە ئاگرەگە کپەوبکەن بەرجە ئەوەگ بڕەسێدە ناوچەیل دەوروگەرد و زەرد گیانی بڕەسنێد".
دووپاتکرد "لایەنەیل پەیوەنیدار دەسکردنە وە لێکۆڵینەوە ئەرا زانین هووکار هیزگردن ئاگرەگە ".
