وەگەرد کۆتا رووژەیل جەژن.. "گەلی عەلی بەگ" پڕە لە گەشتیارەیل (وینە)

شەفەق نیوز/ هاوینەهەواری گەشتیاری گەلی عەلی بەگ لە پارێزگای هەولێر زیایبوین هاتن گەشتیارەیل لە جویراجویر پارێزگایەیل عراق وەخوەی دی، کە خوەشاڵی خوەیان وەو کەشوهەوای سروشتی و دیمەنە رەنگینەیلە نشان دان کە شانازی وەپیەو کریەێد.

گەلی عەلی بەگ کەفێدە باکوور خوەرهەڵات شار هەولێر، یەکیگە لە شوینە گەشتیارییە دیارەیل هەرێم کوردستان، شانازی وە تاڤگە و دیمەنە کوییە سەوزەیلی کەێد، و کەشوهەوایگ هوونک کە سەردانکەرەیل وەرەو لای خوەی کیشێد، وەتایبەتی لە وەرز تاوسان.

لەو چوارچیوە، عەلا، گەشتیاریگ کە لە بەغدای پایتەختەو هاتگە، باس سەرسامی خوەی وە هاوینەهەواری شارەگە ئەرا ئاژانس شەفەق نیوز کرد کە وت: "سەردانەگەم ئەرا گەلی عەلی بەگ هوچانیگ راسگانی بویە لە قەرەباڵغی شارەگە"، وتیش: "سروشت لێرە سیحراوییە، و کەشوهەوا فرە مامناوەندە وە چەو بەغدا، ڕێکخستنەگە خاسە، و خزمەتگوزارییە گەشتیارییەگانیش لەوەر دەسن، یەیش کەشیگ ئارام و خوەشیگ ئەرا گەشتەگەمان زیایکرد".

سەمیرە، ژنیگە وەرد خیزانەگەی لە پارێزگای نەینەوا هاتگە، ئاشکرا کرد کە "ئەو هاوینەهەوارە شوینیگ ئایدیاڵە ئەرا خیزانەیل"، وتیش: "ئەو هاوینەهەوارە شوینەیل خاسیگ دیرێد ئەرا  جیگیرکردن خیزانەیل، وەگەرد چەن خزمەتگوزاری وەردەسە، جویر شوینیگ پشوودان و چێشتخانە و بازاڕە بویچگەیل، کەش و هەوای ئێرە هوونکە و گونجیاس ئەرا وەسەربردن وەختیگ خوەش وەرد مناڵەیل، وەتایبەتی لە پشوو جەژن".

وتیش: "سروشتی وینەگە و ئاوە داوەزیاگە لە تاڤگە هەستیگ ئاسوودەیی و هوچان وە سەردانکەرەیل بەخشێد، ئیمە هویر وەو گرنگیی فرە کەیمن کە وەرپرسەیل شوینەگە وە پاکی دامەزراوە گشتییەیل دانە، کە ئیمە دەسخوەشی کەیمن".

مەحمود، فەرمانبەریگ حکومییە و لە بابلەو هاتگە، وت: "ئیدارەی شوینەگە لەی دویاییە کار کردنە ئەرا پەرەپیدان ژیرخانی و خاسترکردن خزمەتگوزارییەیل کە پیشکەش وە سەردانکەرەیل کریەێد، وەتایبەتی لەوەر رووشنایی زیایبوین شمارەی گەشتیارەیل لە وەرز جەژن"، دووپاتیش کرد کە "ئەو ریژەی فرە لە  بەشداریکردن رەنگدانەوەی سەرکەفتن ئەو تەقەلایلە ئەرا بەرزکردن کەرت گەشتیاری لە هەرێم کوردستان".

گەلی عەلی بەگ وە رەنگینی تاڤگەی ناسیاس کە وەناو سەنگەیلەو تیەێدە خوارەو، دیمەن سروشتی رەنگین دروس کەێد کە سەردانکەرەیل سەرسام کەێد.

دەسەی گەشتوگوزاری هەرێم کوردستان مەزەنە کەێد ئمساڵ لە جەژن قوربان زیاتر لە 300 هەزار گەشتیار پیشوازی لەلییان بکریەێد، لە وەختیگ ساڵ گوزەشتە لە خود جەژن 220 هەزار گەشتیار هاتن.