کوشیان دوو کەس و زەخمداری کەسیگ ترەک وە رویداویگ هاتوچو دڵتەزن لە شێخان

شەفەق نیوز/ سەرچەوەیگ ناوخوەیی، ئمڕوو چوارشەممە، خەوەردا لە کوشیان دوو کەس و زەخمداری کەسیگ ترەک لە ئەنجام رویداویگ هاتوچو لە قەزای شێخان باشوور پارێزگای دهۆک.

سەرچەوەگە ئەرا ئاژانس شەفەق نیوز وت: رویداوەگە شەوەکی ئمڕوو لەناوەین دوو ماشین بوی لە قەزاگە، و بویە هوکار کوشیان دوو کەس و زەخمداری کەسیگ ترەک.

سەرچەوەگە وتیش: لایەنەیل پەیوەندیدار رەسینە شوین رویداوەگە ئەرا جیوەجیکردن ریکارەیل یاسایی، و زەخمدارەگە ئەرا خەسەخانە بریا.