گورزەیل ئاسمانی لەسلێمانی بوودە هووکار قوربانی و زەخمداریبوین
سەرچەوەیگ تایوەت وە پەیامنێر ئاژانس شەفەق نیوز وت، درۆنەیل تورکیا پەلامار ناحیەی " ئاغجەلەر" لەقەزای چەمچەماڵ دانە لەئەنجام کەسەیلیگ بوینەسە قوربانی وە مردن و زەخمداریبوین، دیاریکرد، وەپای ئامارەیل سەرەتایی کەسیگ کوشیایە و یەکیگیش زەخمدارە.
وتیش پەلامارەگە ئاگر گەپیگ لە ناوچەگە دروسکردیە، دیاریکرد تیم فریادرەسین و بەرگیری شارستانی روی کردنەس شوین رویداوەگە و توەنستنه کۆنترۆل ئاگرەگە بکەن.
زەخمدار و کوشیاگە ئەرا خەسخانە کلکریانە، باوجی تا ئیسە ناسنامەی کوشیاگە ئاشکەرا نەکریایە، وەپای سەرچەوەگە.
لە چوارچمگ ئەوە وەڕیەوبەر ناحیەی "ئاغجەلەر" هێمن بەهجەت لە بەیانیگ وە پەیامنێر ئاژانسەگەمان وت، خەوەردار کریانە لەوەگ ئاگریگ لە کویەی "چنارتوی" هیزگردیە تیمەیل وەرگیری شارستانی روی کردنە ئەرا شوین ئاگرەگە و کۆنترۆلی کردنە.
لەباوەت ئەوەگ درۆنەیل گورز ئەرا شوینەگە وشاننە و قوربانی لەلی کەفتیە وەڕیەوبەر ناحیەگە وت هویچ زانیارییگ نەێرێد لەباوەت هووکار ئاگرەگە و چ لایەنیگ ئەو کارە کردیە.
