کوردستان مەوقەی بەشەوکردن مووچەی کانوون یەکەم دیاری کەێد
2022-12-24T08:08:31+00:00
شەفەق نیوز/ دویای ئەوە ک لە بەشەوکردن مووچەی فەرمانبەرەیل هەرێم کوردستان ئەرا مانگ تەشرین دویەم گوزەشتە تەواو کرد، وەزارەت دارایی و ئابووری لە حکومەت هەرێم کوردستان، مەوقەی بەشەوکردن مووچەی کانوون یەکەم دیاری کرد.
سەرچەوەیگ ئاگادار، ئمڕوو شەممە، ئەرا ئاژانس شەفەق نیوز وت: وەزارەت دارایی و ئابووری لە حکومەت هەرێم کوردستان، رینمایی ئەرا بانکەیل دەرکرد وە دویاخستن بەشەوکردن مووچەی کانوون یەکەم ئەرا سەرەتای مانگ کانوون دویەم.
وەگورەی سەرچەوەگە، وەزارەت دارایی و ئابووری لە حکومەت هەرێم کوردستان رینما دادە بانکەیل و دویاخستن بەشەوکردن مووچەی ئی مانگە (کانوون یەکەم) ئەرا دویای پشوو سەر ساڵ زایینی، و دیاری کرد ک بەشەوکردن مووچەی مانگ کانوون یەکەم کەفێدە چوار کانوون دویەم ئایندە.
