واشینتۆن ئاگادار هەولێر کەێد وە گرنگی دروسکردن حکومەت دەهەم و دووارە هەناردەکردن نەفت
شەفەق نيوز/ وەزارەت دەیشت ئەمریکا، ئمڕوو سێشەممە، دووپات کرد لەبان گرنگی زویکردن لە دروسکردن حکومەت دەهەم کوردستان، و دووارە هەناردەکردن نەفت هەرێم کوردستان لەڕی بەندەر جیهان تورکی.
ئەوەیش لە پیشوازیکردن مەسروور بارزانی سەرۆک حکومەت هەرێم کوردستان لە شاندیگ ئەمریکی وە سەروکایەتی ڤیکتۆریا تایلەر خانمە جیگر یاوەر وەزیر دەیشت ئەمریکا.
وەگورەی بەیاننامەیگ رەسیە ئاژانس شەفەق نیوز، لە دیدارەگە باس شیوەیل پاڵپشتیکردن پەیوەندییەیل دووانی، و رەوشەیل گشتی لە عراق و ناوچەگە کریا، وەگەرد ئەو تەقەلایلە کە ئەرا دروسکردن کابینەی وەزارەتی نوو ئەرا حکومەت هەرێم هەموو دریەن.
لە دیدارەگە دووپات لەبان گرنگی زویکردن لە دروسکردن حکومەت نوو هەرێم کوردستان وەرجە ئەنجامدان هەڵوژاردن پەرلەمان عراق لەی ساڵە.
هەردوگ لایەن هاوڕا بوین لەبان دووارە هەناردەکردن نەفت هەرێم کوردستان، وەتایبەت کە ئی کار زەرەدەیل گەورەیگ وە داهاتەیل و بودجەی گشتی فیدڕاڵی دەێد، کە دویاخستن زیاتر هەڵنیەگرێد.
لەلاییگ ترەک لە دانوسەنین، دووپات لەبان گرنگی مسۆگەرکردن ماف و شایستەیل دارایی هەرێم کوردستان و رێزگردن لە قەوارەی فیدڕاڵی و دەستووریی کریا.
