هەرێم کوردستان ئامادەکاری ئەرا ئاهەنگ رووژ "دڵنگ نەتەوایەتی" کەێد (وینە)
2025-03-09T08:56:36+00:00
شەفەق نیوز/ هەرێم کوردستان عراق، سوو دووشەممە، ئاهەنگ "دڵنگ نەتەوایەتی" کەێد، لەری پووشین دڵنگ نەریتی لە شوینەیل گشتی، بوونەگە جویر کەرنەڤاڵ گەپیگە.
لەی بوونە، وەلایەن فرەیگ لە هاوڵاتیەیل لە تەمەنەیل جیاواز لە شوینە گشتیەیل و بازاڕ و پارکەیل دڵنگ نەریتی پووشن کە دڵنگ کوردیە، لە هەمان وەخت لە فەرمانگەیل فەرمی و مەکتەو و زانکۆ.
حکومەت هەرێم کوردستان وە شیوەی فەرمی لەساڵ 2012 بڕیاردا دەی ئازار گشت ساڵیگ بڕوار پووشین ئێ دڵنگە بوود ئەرا پاراستن لە رەسانایەتی و دابونەریت میلەت کرد و میرات نەتەوەیی.
کامیرای شەفەق نیوز ئامادەکاریەیل هاوڵاتیەیل هەرێم ئەرا ئێ ئاهەنگە توومارکردیە، لەری سەنین و دویرین دڵنگ کوردی، خوەئامادەکردنەیل ئەرا ئێ بوونە.
