نێچیرڤان بارزانی پشتیوانی خوەی ئەرا تەقەلایل دەزگای مەعرفی تورکی لە کوردستان دووپات کەێد
شەفەق نیوز/ نێچیرڤان بارزانی، سەرۆک هەرێم کوردستان، دویای نیمەڕو ئمڕوو دووشەممە، لە شار هەولێر، پیشوازی لە مەحمود ئۆزدیل سەرۆک دەزگای مەعرفی تورکیا و شاند یاوەری کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدار هەردوگلا باس لە کارو چالاکییەیل دامەزراوەگە لە عراق و هەرێم کوردستان کرد، بیجگە لە ریەیل بەرزکردن هاریکاری هاوبەشی ناوەین دامەزراوەگە و لایەنە پەیوەندیدارەیل هەرێم.
سەرۆک نێچیرڤان بارزانی پیرووزبایی لە ئۆزدیل کرد وەبوونەی دەسەوکاربوینی لە سەرۆکایەتی دامەزراوەگە، ئومید سەرکەفتن لە ئەرکەیلی ئەرای خوازێ.
نێچیرڤان بارزانی پاڵپشتی و پشتگیریکردن هەرێم کوردستان ئەرا تەقەلایل دەزگاگە لە جیوەجیکردن پڕۆژەیلی لە ناو هەرێم دووپاتکرد، و دووپاتیش لە گرنگیی هاوکاری هاوبەش و سوود وەرگردن لە ئەزموونە سەرکەفتگەیل تورکیا لە بوار هووکارەکردن و پەروەردە کرد.
لەلای خوەییش، مەحمود ئۆزدیل سەرۆک دەزگای مەعرفەی تورکیا سوپاس و پیزانین خوەی ئەرا پاڵپشتی لایەنە پەیوەندیدارەیل هەرێم کوردستان ئەرا چالاکییەیل دەزگاگە پیشکەش کرد و دەسخوەشی لە رۆڵ هەرێم کوردستان کرد لە ئاسانکاریکردن ئەرکەیلی.
هەرلیوا باس مەکتەوەیل دەزگاگە کرد لە بەغدا و هەولێر، و خواست دامەزراوەگە لە بەرزکردن هاوکاری وەرد لایەنە پەیوەندیدارەیل لە هەرێم کرد، و ئافەرین لەو رۆڵ گرنگە کرد کە دەزگاگە لە کەرت پەروەردە رانێد.
کوالیتی خوەنەواری و بەرزکردن ئاست خوەنستن یەکیگ بوی لەو تەوەرە گرنگەیلە کە باسیان کریا، لەناو ئەو دیدارە کە کونسوڵ گشتی تورکیا لە هەرێم کوردستان ئامادەی بوی.
